Romanee 16:18 - Yn Conaant Noa 1810

¹⁸ Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

Yn Vible Casherick 1775 1819

¹⁸ Son cha vel nyn lheid shirveish nyn Jiarn Yeesey Creest, agh nyn molg hene; as liorish goan aalin as glare vrynneragh t’ad molley creeaghyn yn vooinjer ôney.

Romanee 16:18 ပူးပေါင်းရင်းမြစ်များ

Noo Mian 24:11

As nee ymmodee phadeyryn‐foalsey girree seose, as mooarane y volley.

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 6:24

Cha vod dooinney erbee daa vainshter y hirveish: son edyr ver eh dwoaie da’n derrey yeh, as graih da’n jeh elley; ny bee eh jeidjagh da’n derrey yeh, ny soiaghey beg jeh’n jeh elley. Cha vod shiu Jee as Mammon y hirveish.

Noo Mian 7:15

Bee‐jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu‐sthie t’ad nyn moddee‐oaldey jollyssagh.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Romanee 14:18

Son t’eshyn ta shirveish Creest ayns ny reddyn shoh, ayns foayr rish Jee, as jeh goo mie mastey deiney.

Romanee 16:19

Son ta’n viallys euish er ny imraa mastey dy chooilley ghooinney. Ta mee er‐y‐fa shen goaill boggey er y lieh eu: agh ny‐yeih baillym shiu ve tastagh gys shen ny ta mie, as ôney mychione olk.

2 Corinthianee 11:3

Agh ta aggle orrym, myr ren yn ard‐nieu Aue y volley liorish e chialgyn, myr shen dy beagh ny aignaghyn cuish liorish saaseyn erbee er nyn gleaynaghey veih’n ônid shen t’ayns Creest.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

Philippianee 2:21

Son ta ooilley er nyn son hene, cha nee son ny reddyn ta bentyn rish Yeesey Creest.

Philippianee 3:19

Ta’n jerrey oc toyrt‐mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

Colossianee 2:4

As shoh ta mee dy ghra, er‐aggle dy jinnagh dooinney erbee shiuish y volley lesh goan brynnagh.

Colossianee 3:24

Toiggal, dy nee veih’n Chiarn yiow shiu yn leagh dy eiraght: son ta shiu shirveish yn Chiarn Creest.

2 Thessalonianee 2:10

As lesh dy chooilley oalsaght dy neu‐ynrickys, ayndoosyn ta cherraghtyn; er‐yn‐oyr nagh ghow ad rish graih yn ynrickys, dy voddagh ad ve er nyn sauail.

1 Timothy 6:5

Pleadeilyn camlâgagh deiney dy aignaghyn neu‐ghlen, as follym jeh’n irriney, jeeaghyn er cosney dy ve craueeaght: veih nyn lheid jean oo hene y scarrey.

Jamys 1:1

Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.

2 Peddyr 2:3

As trooid saynt nee ad lesh goan cluicagh jannoo merchantys jiu: yn kerraghey oc cha vel nish foddey jeh, as cha vel y deyrey oc saveenagh.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:

Jude 1:12

T’ad shoh spuitt ayns nyn guirraghyn dy ghraih, tra t’ad ec gien mêriu, lhieeney ad hene fegooish aggle: bodjallyn t’ad gyn ushtey, eebrit lesh y gheay; biljyn ta’n blaa oc fioghey, fegooish mess, keayrt as keayrt er n’gholl naardey, astyrit ass ny fraueyn;

Jude 1:16

Ta’d shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.

Ashlish 1:1

Ashlish Yeesey Creest, hug Jee da, dy hoilshaghey da e harvaantyn reddyn shegin dy gerrit cheet gys kione; as ren eh shoh y choyrt as y chowraghey liorish ainle da e harvaant Ean: