Romanee 15:8 - Yn Conaant Noa 1810

⁸ Nish ta mee gra, dy row Yeesey Creest ny hirveishagh jeh’n ghiarey‐chymmylt, son firrinys Yee, dy hickyraghey ny gialdynyn va jeant da ny aryraghyn.

Yn Vible Casherick 1775 1819

⁸ Nish ta mee gra, dy row Yeesey Creest ny hirveishagh jeh’n ghiarey-chymmylt, son firrinys Yee, dy hickyraghey ny gialdynyn va jeant da ny ayraghyn.

Romanee 15:8 ပူးပေါင်းရင်းမြစ်များ

Noo Mian 15:24

Agh dreggyr eshyn, as dooyrt eh, Cha vel mish er my choyrt, agh gys kirree‐cailjey thie Israel.

Noo Mian 20:28

Myr nagh daink yn Mac dooinney dy ve shirveishit er, agh dy hirveish, as dy chur e vioys ny lhiassaghey son ymmodee.

Noo Ean 1:11

Haink eh gys e vooinjer hene, agh cha ren e vooinjer hene soiaghey jeh.

Noo Ean 10:16

As kirree elley t’aym, nagh vel jeh’n woaillee shoh: ad shen neesht shegin dou y chur lhiam, as cluinnee ad my choraa; as bee un woaillee ayn, as un vochilley.

Jannoo 13:46

Eisht daase Paul as Barnabas dunnal, as dooyrt ad, Ve ymmyrchagh goo Yee dy ve hoshiaght er ny phreacheil diuish: agh fakin dy vel shiu cur cooyl rish, as briwnys shiu hene neu‐feeu jeh’n vea veayn, cur‐my‐ner ta shinyn chyndaa gys ny Ashoonee.

Romanee 11:22

Cur‐my‐ner er‐y‐fa shen mieys as briwnys gyere Yee: orroosyn ren tuittym briwnys gyere; agh ort’s, mieys, my t’ou tannaghtyn ayns e vieys: er aght elley bee uss myrgeddin giarit jeh.

Romanee 11:30

Son myr nagh vel shiuish ayns y traa t’er n’gholl shaghey er choyrt biallys da Jee, ta shiu nish er chosney myghin trooid y vee‐viallys ocsyn:

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

Romanee 3:26

Dy hoilshaghey magh, ta mee gra, ec y traa‐shoh e chairys: dy voddagh eh ve cairagh, as eshyn y heyrey ta credjal ayns Yeesey.

Romanee 3:3

Son cre mannagh ren paart credjal? jean y mee‐chredjue ocsyn firrinys Yee y choyrt naardey?

Romanee 4:16

Shen‐y‐fa te jeh credjue, dy voddagh eh ve jeh foayr; dy voddagh y gialdyn ve shickyr da ooilley’n sluight, cha nee dauesyn ny lomacan ta fo’n leigh, agh dauesyn myrgeddin ta jeh credjue Abraham, ta’n ayr ain ooilley.

1 Corinthianee 1:12

As shoh ta mee dy ghra, dy vel fer as fer j’iu gra, Ta mish son Paul, as mish ’son Apollos, as mish son Cephas, as mish son Creest.

1 Corinthianee 10:19

Cre jir‐ym eisht? dy vel jalloo veg eddyr, ny dy vel shen ny ta er ny ouralley gys jallooyn veg eddyr?

1 Corinthianee 10:29

Cooinsheanse, ta mee gra, cha nee dty chooinsheanse hene, agh shen jeh’n fer elley: son cre’n‐fa ta my reamys er ny vriwnys liorish cooinsheanse ghooinney elley?

1 Corinthianee 15:50

Nish shoh ta mee dy ghra, vraaraghyn, nagh vod feill as fuill eiraght y gheddyn ayns reeriaght Yee; chammoo nee neu‐ghlennid gheddyn glennid ayns eiraght.

2 Corinthianee 1:20

Son ta ooilley gialdynyn Yee aynsyn she, as aynsyn amen, gys gloyr Yee liorinyn.

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught‐thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll: