Romanee 15:3 - Yn Conaant Noa 1810

³ Son dy jarroo cha ren Creest eh hene y wooiys; agh myr te scruit, Ta ny oltooanyn ocsyn ren dty oltooaney, er duittym orrym’s.

Yn Vible Casherick 1775 1819

³ Son dy jarroo cha ren Creest eh-hene y wooiys; agh myr te scruit, Ta ny oltooanyn ocsyn ren dty oltooaney, er duittym orrym’s.

Romanee 15:3 ပူးပေါင်းရင်းမြစ်များ

Noo Mian 10:25

S’lioar da’n scoillar dy ve myr e vainshter, as y charvaant myr e hiarn: my t’ad er cheau Beelzebub er mainshter y thie, cre‐woad smoo nee ad e vooinjer y oltooaney.

Noo Mian 26:39

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve lhig da’n cappan shoh goll shagh‐ym: ny‐yeih cha nee m’aigney’s, agh dty aigney’s dy row jeant.

Noo Mian 26:42

Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh ym, fegooish mee dy iu eh, dty aigney’s dy row jeant.

Noo Mian 27:44

Hilg ny maarlee myrgeddin v’er nyn grossey mârish yn lheid cheddin er.

Noo Ean 15:10

My nee shiu my annaghyn y reayll, nee shiu tannaghtyn ayns my graih: eer myr ta mish er vreayll annaghyn my Ayrey, as tannaghtyn ayns y ghraih echeysyn.

Noo Ean 15:24

Mannagh beign’s er n’yannoo nyn mast’ oc lheid ny obbraghyn as nagh ren rieau dooinney erbee elley, cha beagh peccah er ve oc: agh nish t’ad er vakin as er chur dwoaie chammah dooys as da my Ayr.

Noo Ean 4:34

Dooyrt Yeesey roo, Yn beaghey aym’s eh, dy yannoo yn aigney echeysyn t’er my choyrt, as dy chooilleeney yn obbyr echey.

Noo Ean 5:30

Cha voddym jee’m pene nhee erbee y yannoo: myr ta mee clashtyn, ta mee briwnys: as ta my vriwnys cairagh, er‐yn‐oyr nagh vel mee shirrey my aigney hene, agh aigney yn Ayr t’er my choyrt.

Noo Ean 6:38

Son haink mish neose veih niau, cha nee dy yannoo my aigney hene, agh yn aigney echeysyn ren m’y choyrt.

Noo Ean 8:29

As ta eshyn t’er my choyrt mârym: cha vel yn Ayr er my aagail my lomarcan: son ta mee dy kinjagh jannoo ny reddyn shen ta dy wooiys eh.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Philippianee 2:5

Lhig da’n aigney shoh ve ayndiuish, va myrgeddin ayns Creest Yeesey:

Philippianee 2:8

As er ny gheddyn ayns cummey myr dooinney, ren eh eh‐hene y injillaghey, as haink eh dy ve biallagh gys baase, dy jarroo baase ny croshey.