Romanee 14:2 - Yn Conaant Noa 1810

² Son ta fer credjal dy vod eh gee dy chooilley nhee: fer elley ta faase, t’eh gee lossyreeyn.

Yn Vible Casherick 1775 1819

² Son ta fer credjal dy vod eh gee dy chooilley nhee: fer elley ta faase, t’eh gee lossyreeyn.

Romanee 14:2 ပူးပေါင်းရင်းမြစ်များ

Romanee 14:1

Eshyn ta annoon ’sy chredjue gow‐jee rish, agh cha nee gys jengleyrys dooyteilagh.

Romanee 14:14

Ta fys as shickyrys aym ayns y Chiarn Yeesey, nagh vel nhee erbee neu‐ghlen jeh hene; agh dasyn er‐lesh ta nhee erbee neu‐ghlen, da shoh te neu‐ghlen.

Romanee 14:20

Er coontey bee ny cur mow obbyr Yee. Ta dy chooilley nhee dy jarroo glen: agh te olk da’n dooinney shen ta gee lesh oyr scammylt.

Romanee 15:1

Lhisagh shinyn eisht ta lajer , gymmyrkey lesh ny annooinidyn ocsyn ta moal‐chredjuagh, as cha nee dy wooiys shin hene.

1 Corinthianee 10:25

Cre‐erbee ta creckit ayns ny margaghyn, ee‐jee, fegooish jannoo briaght erbee er graih cooinsheanse.

1 Corinthianee 8:9

Agh cur‐jee twoaie er‐aggle liorish aght erbee dy bee shoh nyn reayms oyr dauesyn ta annoon dy huittym ayns peccah.

1 Corinthianee 9:22

Dauesyn ta faase‐chredjuagh, haink mee dy ve myr faase‐chredjuagh, dy voddin yn vooinjer faase chredjuagh y chosney: dy chooilley aght ta mee er m’ymmyrkey hene gys dy chooilley ghooinney, dy voddin liorish dy chooilly haase paart y hauail.

Galatianee 2:12

Son roish my daink shiartanse voish Jamys, ren eh gee mârish ny Ashoonee: agh tra v’ad shen er jeet, hie eh dy lhiattee, as ren eh scarrey eh hene voue, ayns aggle rouesyn jeh’n giarey‐chymmylt.

1 Timothy 4:4

Son ta ooilley creetooryn Yee mie, as dyn nhee erbee dy ve mee‐lowit, my te er nyn ghoaill lesh toyrt‐booise:

Titus 1:15

Dauesyn ta glen ta dy chooilley nhee glen, agh dauesyn ta neu‐ghlen, as mee‐chredjuagh, cha vel nhee erbee glen; agh ta eer nyn aigney as nyn gooinsheanse neu‐ghlen.

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

Hebrewnee 9:10

Yn chirveish cheddin va shassoo ny lomarcan ayns bee as jough, as ymmodee oonlaghyn as oardaghyn foalley, kianlt orroo derrey imbagh yn stayd noa.