Romanee 13:7 - Yn Conaant Noa 1810

⁷ Eeeck‐jee er‐y‐fa shen da dy chooilley unnane e chair; keesh dauesyn ta keesh cair, custom dauesyn ta custom; aggle dauesyn ta aggle; ooashley dauesyn ta ooashley cair.

Yn Vible Casherick 1775 1819

⁷ Eeck-jee er-y-fa shen da dy chooilley unnane e chair; keesh dauesyn ta keesh cair, custom dauesyn ta custom; aggle dauesyn ta aggle; ooashley dauesyn ta ooashley cair.

Romanee 13:7 ပူးပေါင်းရင်းမြစ်များ

Noo Mian 17:25

Dooyrt eshyn, Dy row. As tra v’eh er jeet stiagh ayns y thie, va Yeesey ro‐laue rish, gra, Cre t’ou smooinaghtyn, Simon? quoi jeh ta reeaghyn y thallooin troggal custom ny keesh? jeh nyn gloan hene, ny jeh joarreeyn?

Noo Mian 22:21

Dooyrt adsyn rish, Cesar. Eisht dooyrt eh roo, Eeck‐jee er‐y‐fa shen da Cesar shen ny ta lesh Cesar: as da Jee, shen ny ta lesh Jee.

Noo Mark 12:17

As dreggyr Yeesey, as dooyrt eh roo, Eeck‐jee da Cesar, shen ny ta lesh Cesar, as da Jee, ny reddyn ta lesh Jee. As ghow ad yindys jeh.

Noo Luke 20:22

Vel eh lowal dooin keesh y eeck da Cesar, mannagh vel?

Noo Luke 20:25

As dooyrt eh roo, Eeck‐jee er‐y‐fa shen da Cesar shen ny ta bentyn gys Cesar; as da Jee shen ny ta bentyn gys Jee.

Noo Luke 23:2

As ren ad toshiaght dy loayrt n’oï, gra, Hooar shin eh shoh cur yn ashoon ain er‐shaghryn, as lhiettal sleih veih geeck keesh da Cesar, gra, Dy nee eh hene Creest yn ree.

Romanee 12:10

Bee‐jee jeh aigney dooie yn derrey yeh gys y jeh elley lesh graih braaragh, ayns onnor dagh unnane jannoo soiagh jeh fer elley roish hene.

Romanee 13:6

Son er y choontey shoh ta shiu myrgeddin geeck keesh: son shirveishee Yee ad, tendeil dy kinjagh er yn eer red shoh.

Ephesianee 5:33

Ny‐yeih, lhig da dagh unnane euish er‐lheh myr shen graih y choyrt da e ven dy jarroo myr da hene; as jeeagh dy der y ven arrym da e sheshey.

Ephesianee 6:5

Shiuish harvaantyn, bee‐jee biallagh dauesyn ta nyn mainshteryn cordail rish yn eill, lesh aggle as arrym, ayns ynrickys cree, myr da Creest:

1 Timothy 5:13

As marish shoh t’ad gynsaghey dy ve litcheragh, rouail veih thie gy thie; as cha nee ynrycan litcheragh, agh tutleryn neesht, as peeikeyryn ayns cooishyn sleih elley, loayrt reddyn nagh lhisagh ad.

1 Timothy 5:17

Lhig da ny shanstyryn ta reill dy mie, ve coontit feeu jeh ooashley dooble, erskyn ooilley adsyn ta laboragh ’sy ghoo as ynsagh.

1 Timothy 6:1

Lhig da whilleen shaarvaant as ta fo’n whing, nyn mainshteryn hene y choontey feeu jeh dy chooilley onnor: nagh bee scammylt er ny choyrt da ennym Yee, as e ynsagh.

1 Peddyr 3:7

Myrgeddin, shiuish gheiney‐poost, jean‐jee beaghey mâroo cordail rish tushtey, coyrt onnor da’n ven myr da’n saagh s’annooinee, as myr co‐eiraghyn jeh ghrayse y vea; nagh bee ny padjeryn eu er nyn lhiettal.