Romanee 13:2 - Yn Conaant Noa 1810

² Quoi‐erbee er‐y‐fa shen ta shassoo seose noi’n phooar, t’eh shassoo seose noi oardagh Yee: as nee adsyn ta shassoo seose tayrn kerraghey orroo hene.

Yn Vible Casherick 1775 1819

² Quoi-erbee er-y-fa shen ta shassoo seose noi’n phooar, t’eh shassoo seose noi oardagh Yee: as nee adsyn ta shassoo seose tayrn kerraghey orroo hene.

Romanee 13:2 ပူးပေါင်းရင်းမြစ်များ

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mark 12:40

T’ad cur mow thieyn mraane‐treoghe, as son scaa dy chraueeaght lhiggey orroo dy ve mennick ec padjer: ta briwnys strimmey ny chour oc shoh.

Noo Luke 20:47

T’ad cur‐mow thieyn mraane‐treoghe, as son scaa dy chraueeaght lhiggey orroo dy ve mennick ayns padjer: ta briwnys strimmey nyn gour oc shoh.

Romanee 13:1

Lhig da dy chooilley annym ve biallagh da ny pooaraghyn syrjey; son cha vel pooar ayn agh veih Jee: ta ny pooaraghyn t’ayn er nyn bointeil liorish Jee.

Romanee 13:3

Son cha vel fir‐reill oyr aggle da obbraghyn mie, agh da drogh obbraghyn. Nailt eisht ve gyn aggle jeh’n phooar? jean shen ta mie, as yiow moylley er y hon:

Romanee 13:5

Shen‐y‐fa shegin diu ve biallagh, cha nee ny lomarcan son aggle roish kerraghey, agh myrgeddin er graih cooinsheanse.

Romanee 9:19

Jir uss eisht rhym, Cre’n‐fa t’eh foast feddyn foill? Son quoi t’er hassoo magh noi e aigney?

Titus 3:1

Cur ad ayns cooinaghtyn dy ve biallagh gys ard‐reilltee as pooaraghyn, dy ve ammyssagh da fir‐oik, dy ve arryltagh gys dy chooilley obbyr vie,

Jamys 3:1

My vraaraghyn, ny shir‐jee dy ve ymmodee fir‐ynsee, toiggal [liorish shoh] dy bee mayd ny s’geyre er nyn mriwnys.

1 Peddyr 2:13

Jean‐jee shiu hene y injillaghey gys dy chooilley leigh er ny oardaghey liorish deiney er graih yn Chiarn; edyr eh ve gys y ree, myr yn ard‐fer‐reill;