Romanee 13:12 - Yn Conaant Noa 1810

¹² Ta’n oie foddey ceaut, ta’n laa er‐gerrey: lhig dooin er‐y‐fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

Yn Vible Casherick 1775 1819

¹² Ta’n oie foddey ceaut, ta’n laa er-gerrey: lhig dooin er-y-fa shen tilgey ersooyl obbraghyn y dorraghys, as lhig dooin cur orrin eïlley yn toilshey.

Romanee 13:12 ပူးပေါင်းရင်းမြစ်များ

Romanee 13:14

Agh cur‐jee erriu yn Chiarn Yeesey Creest, as ny gowjee kiarail erbee son yn eill, dy chooilleeney yn thaynt eck.

1 Corinthianee 10:11

Nish haink ooilley ny reddyn shoh orroosyn son sampleyryn: as t’ad scruit son raaue dooinyn, orrin ta jerrey’n theihll er jeet.

1 Corinthianee 7:29

Agh shoh ta mee dy ghra, vraaraghyn, dy vel yn traa giare. Shoh eisht eh, dy bee adsyn ta mraane oc, myr nagh beagh ad oc.

2 Corinthianee 10:4

(Son cha vel ny greinyn‐caggee ain jeh stoo foalley, agh niartal trooid Jee dy lhieggal sheese tooryn lajer)

2 Corinthianee 6:7

Liorish y goo dy irrinys, liorish pooar Yee, liorish yn eïlley dy chairys er y laue yesh as y laue chiare.

Ephesianee 4:22

Mychione yn ymmyrkey‐bea eu t’er n’gholl shaghey, dy der shiu jeh yn chenn ghooinney, ta neu‐ghlen cordail rish yeearreeyn molteyragh ny foalley.

Ephesianee 5:11

As ny lhig da sheshaght er bee ’ve eu rish obbraghyn neu‐vessoil y dorraghys, agh ny sleaie cur oghsan daue:

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

Hebrewnee 10:25

Cha nee treigeil yn chaglym cooidjagh ain hene, myr ta chaghtey paart; agh coyrlaghey yn derrey yeh yn jeh elley: as wheesh shen smoo, myr ta shiu fakin yn laa tayrn er‐gerrey.

Hebrewnee 12:1

Shen‐y‐fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

Jamys 1:21

Shen‐y‐fa cur‐jee dy lhiattee dy chooilley neu‐ghlennid, as rouyr dy olkys, as gow‐jee lesh meenid yn goo ta fraueit ayndiu, ta fondagh dy hauail nyn anmeenyn.

Jamys 5:8

Fark‐jee shiuish myrgeddin dy surransagh; niartee‐jee nyn greeaghyn: son ta cheet y Chiarn tayrn er‐gerrey.

1 Peddyr 2:1

Shen‐y‐fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

2 Peddyr 3:11

Fakin eisht dy jean ooilley ny reddyn shoh lheïe ersooyl, cre’n sorch dy phersoonyn lhisagh shiuish y ve ayns dy chooilley ymmyrkey crauee as casherickys!

2 Peddyr 3:9

Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse‐foddey dooinyn, neu‐wooaiagh dy jinnagh unnane erbee cherraghtyn, agh dy darragh ooilley gys arrys.

1 Ean 2:18

Chloan veggey, shoh’n traa s’jerree: as myr ta shiu er chlashtyn dy jig yn an‐chreestee, dy jarroo nish ta ymmodee an‐chreesteenyn ayn; liorish shoh ta fys ain dy nee shoh’n traa s’jerree.

Ashlish 1:3

Bannit ta eshyn ta lhaih, as adsyn ta clashtyn goan y phadeyrys shoh, as freayll ny reddyn shen ta scruit ayn: son ta’n traa er‐gerrey.

Ashlish 22:10

As dooyrt eh rhym, Ny seal raaghyn phadeyrys y lioar shoh: son ta’n traa er‐gerrey.