Romanee 13:11 - Yn Conaant Noa 1810

¹¹ As shen, liorish coyrt tastey da’n traa, dy vel eh nish ard traa dy ghoostey ass cadley: son nish ta nyn saualtys ny sniessey na ve tra ren shin hoshiaght credjal.

Yn Vible Casherick 1775 1819

¹¹ As shen, liorish coyrt tastey da’n traa, dy vel eh nish ard traa dy ghoostey ass cadley: son nish ta nyn saualtys ny sniessey na ve tra ren shin hoshiaght credjal.

Romanee 13:11 ပူးပေါင်းရင်းမြစ်များ

Noo Mian 16:3

As ayns y voghrey, Bee emshyr vroghe ayn jiu; son ta’n aer jiarg as dullyr. O shiuish chrauee‐oalsey, ta toiggal eu kys dy ghoaill baght jeh neeal yn aer, as nagh vod shiu baght y ghoaill jeh cowraghyn ny hearishyn?

Noo Luke 21:28

As tra ghoys ny reddyn shoh toshiaght dy heet gy‐kione, eisht jeeagh‐jee shiuish seose, as trog‐jee nyn ghing; son ta’n livrey‐ys eu tayrn er‐gerrey.

1 Corinthianee 10:11

Nish haink ooilley ny reddyn shoh orroosyn son sampleyryn: as t’ad scruit son raaue dooinyn, orrin ta jerrey’n theihll er jeet.

1 Corinthianee 15:34

Dooisht‐jee gys cairys, as ny cur‐jee rish peccah; son ta paart nagh vel tushtey oc dy Yee: ta mee grah shoh gys y nearey eu.

Ephesianee 5:14

Shen‐y‐fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Jamys 5:8

Fark‐jee shiuish myrgeddin dy surransagh; niartee‐jee nyn greeaghyn: son ta cheet y Chiarn tayrn er‐gerrey.

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

2 Peddyr 3:11

Fakin eisht dy jean ooilley ny reddyn shoh lheïe ersooyl, cre’n sorch dy phersoonyn lhisagh shiuish y ve ayns dy chooilley ymmyrkey crauee as casherickys!

2 Peddyr 3:9

Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse‐foddey dooinyn, neu‐wooaiagh dy jinnagh unnane erbee cherraghtyn, agh dy darragh ooilley gys arrys.

1 Ean 2:18

Chloan veggey, shoh’n traa s’jerree: as myr ta shiu er chlashtyn dy jig yn an‐chreestee, dy jarroo nish ta ymmodee an‐chreesteenyn ayn; liorish shoh ta fys ain dy nee shoh’n traa s’jerree.

Ashlish 1:3

Bannit ta eshyn ta lhaih, as adsyn ta clashtyn goan y phadeyrys shoh, as freayll ny reddyn shen ta scruit ayn: son ta’n traa er‐gerrey.

Ashlish 22:10

As dooyrt eh rhym, Ny seal raaghyn phadeyrys y lioar shoh: son ta’n traa er‐gerrey.

Ashlish 22:12

As cur‐my‐ner, ta mee cheet dy tappee; as ta my leagh mârym, dy choyrt da dy chooilley ghooinney cordail rish e obbraghyn.

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.