Romanee 12:9 - Yn Conaant Noa 1810

⁹ Lhig da graih ve fegooish foalsaght. Cur‐jee dwoaie da shen ta olk, lhiann‐jee gys shen ta mie.

Yn Vible Casherick 1775 1819

⁹ Lhig da graih ve fegooish foalsaght. Cur-jee dwoaie da shen ta olk, lhian-jee gys shen ta mie.

Romanee 12:9 ပူးပေါင်းရင်းမြစ်များ

Noo Mian 26:49

As chelleeragh haink eh gys Yeesey, as dooyrt eh, Dy vannee dhyt, Vainshter; as phaag eh eh.

Noo Ean 12:6

Shoh dooyrt eh, cha nee ayns kiarail erbee son ny boghtyn, agh dy row eh ny vaarliagh, er va currym y sporran, as eshyn va gymmyrkey ny v’ayn.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

2 Corinthianee 6:6

Liorish glennid‐bea, liorish lushtey, liorish surranse‐foddey, liorish kenjallys, liorish y Spyrryd Noo, liorish graih gyn foalsaght,

2 Corinthianee 8:8

Cha vel mee loayrt liorish sarey, agh er coontey arryltys feallagh elley, as dy phrowal firrinys yn ghraih euish.

1 Thessalonianee 2:3

Son cha row yn choyrle ain veih molteyrys, ny veih neu‐ghlennid, ny ayns foalfaght:

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr‐jee er shen ta mie, chammah nyn mast’ eu hene, as rish dy chooilley ghooinney.

1 Thessalonianee 5:21

Prow‐jee dy chooilley nhee: cum‐jee shickyr shen ta mie.

1 Timothy 1:5

Nish ta graih lhieeney yn anney, ayns cree glen, as cooinsheanse vie, as credjue firrinagh:

Hebrewnee 1:9

T’ou er choyrt graih da cairys, as feoh da mee‐chairys; shen‐y‐fa ta Jee, dy jarroo yn Jee ayd’s, er dty ooillaghey lesh yn ooil dy ghennallys erskyn dy heshaghyn.

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.