Romanee 12:8 - Yn Conaant Noa 1810

⁸ Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

Yn Vible Casherick 1775 1819

⁸ Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

Romanee 12:8 ပူးပေါင်းရင်းမြစ်များ

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 13:12

Tra honnick yn kiannoort eisht cre va er daghyrt, ren eh credjal, as ghow eh yindys mooar jeh goo yn Chiarn.

Jannoo 13:15

As lurg lhaih yn leigh as ny phadeyryn, hug fir‐reill yn synagogue fys huc, gra, Shiuish gheiney as vraaraghyn, my ta fockle erbee dy choyrle eu dy chur da’n pobble, loayr‐jee eh.

Jannoo 15:32

As myr va Judas as Silas nyn vadeyryn ad hene, choyrlee ad ny braaraghyn lesh ymmodee goan, as hickyree ad [ad ayns nyn gredjue.]

Jannoo 20:2

As tra v’eh er gholl harrish ny ardjyn shen, as dy jeean er choyrlaghey ad, haink eh gys Greece;

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 4:36

As Joses, va liorish ny ostyllyn sliennooit Barnabas (ta shen dy ghra ’sy ghlare ainyn, Mac ny gerjee) va ny Levite, as jeh cheer Cyprus,

Romanee 12:13

Rheynn gys ymmyrch ny nooghyn ; arryltagh dy choyrt oltaghey‐bea da troailtee.

Romanee 13:6

Son er y choontey shoh ta shiu myrgeddin geeck keesh: son shirveishee Yee ad, tendeil dy kinjagh er yn eer red shoh.

1 Corinthianee 12:28

As ta Jee er hoiaghey paart ayns yn agglish, hoshiaght ostyllyn, ’sy nah ynnyd phadeyryn, ’sy trass ynnyd fir‐ynsee, lurg shen mirrillyn, eisht giootyn dy lheihys, fir‐choonee, reilltee, caghlaaghyn dy ghlare.

1 Corinthianee 14:3

Agh eshyn ta preacheil, t’eh loayrt rish deiney gys nyn ynsagh, nyn goyrle, as nyn gherjagh.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 11:3

Agh ta aggle orrym, myr ren yn ard‐nieu Aue y volley liorish e chialgyn, myr shen dy beagh ny aignaghyn cuish liorish saaseyn erbee er nyn gleaynaghey veih’n ônid shen t’ayns Creest.

2 Corinthianee 8:12

Son my ta’n aigney hoshiaght arryltagh, ta soiagh jeant jeh cordail rish fort y dooinney, as cha nee cordail rish shen nagh vel echey.

2 Corinthianee 9:11

Dy palchey er nyn yannoo magh ayns dy chooilley nhee gys dy chooilley feoiltys, ta coyrt oyr booise gys Jee er y choontey ainyn.

2 Corinthianee 9:13

Tra liorish cowrey’n ghiastyllys shoh t’ad gloyraghey Jee son y viallys foshlit euish gys sushtal Chreest, as son y toyrtys feoilt eu daue hene, as da dy chooilley ghooinney)

2 Corinthianee 9:7

Lhig da dy chooilley ghooinney coyrt da’u voght, myr ta e chree coyrt roish; cha nee mooaraghey, ny myr dy beagh eh êginit huggey: son shynney lesh Jee eshyn ta coyrt dy aggindagh.

Ephesianee 6:5

Shiuish harvaantyn, bee‐jee biallagh dauesyn ta nyn mainshteryn cordail rish yn eill, lesh aggle as arrym, ayns ynrickys cree, myr da Creest:

Colossianee 3:22

Harvaantyn, bee‐jee biallagh ayns dy chooilley nhee da nyn mainshteryn seihltagh; cha nee lesh shirveish‐sooilley, myr dy wooiys deiney, agh ayns firrinys cree, goaill aggle roish Jee:

1 Thessalonianee 2:3

Son cha row yn choyrle ain veih molteyrys, ny veih neu‐ghlennid, ny ayns foalfaght:

1 Thessalonianee 2:8

Myr shen ayns slane aigney‐mie diuish, va shin booiagh dy hirveish erriu, cha nee ynrycan sushtal Yee, agh eer nyn mioys hene, er‐yn‐oyr dy row shiu deyr dooin.

1 Timothy 4:13

Derrey hig‐ym, bee kiaralagh dy lhaih, dy choyrlaghey, dy ynsaghey.

1 Timothy 5:17

Lhig da ny shanstyryn ta reill dy mie, ve coontit feeu jeh ooashley dooble, erskyn ooilley adsyn ta laboragh ’sy ghoo as ynsagh.

1 Timothy 6:18

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

Hebrewnee 10:25

Cha nee treigeil yn chaglym cooidjagh ain hene, myr ta chaghtey paart; agh coyrlaghey yn derrey yeh yn jeh elley: as wheesh shen smoo, myr ta shiu fakin yn laa tayrn er‐gerrey.

Hebrewnee 13:17

Cur‐jee biallys dauesyn ta reill harrystiu, as bee‐jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu‐vondeishagh diu.

Hebrewnee 13:22

As ta mee guee erriu, vraaraghyn, gow‐jee rish y goo dy choyrle, son ta mee er scrieu hiu ayns focklyn giarey.

Hebrewnee 13:24

Bea as slaynt dauesyn ta reill harrishdiu, as da ooilley ny nooghyn. T’adsyn jeh Italy bannaghey diu.

Hebrewnee 13:7

Cooinee‐jee orroosyn t’er n’ymmyrkey reill harrystiu, t’er loayrt riu goo Yee: geiyrt er y chredjue oc, smooinaghtyn er jerrey nyn ymmyrkey‐bea.