Romanee 12:7 - Yn Conaant Noa 1810

⁷ Ny shirveish, lhig dooin tastey y choyrt da’n chirveish ain; ny eshyn ta gynsaghey, da ynsagh;

Yn Vible Casherick 1775 1819

⁷ Ny shirveish, lhig dooin tastey y choyrt da’n chirveish ain; ny eshyn ta gynsaghey, da ynsagh;

Romanee 12:7 ပူးပေါင်းရင်းမြစ်များ

Noo Mian 28:19

Immee‐jee er‐y‐fa shen, as ynsee‐jee dy chooilley ashoon, as bashtee‐jee ad ayns ennym yn Ayr, as y Vac, as y Spyrryd Noo:

Noo Ean 3:2

Haink eh shoh gys Yeesey ayns yn oie, as dooyrt eh rish, Rabbi, ta fys ain dy nee fer‐ynsee oo t’er jeet veih Jee: son cha vod dooinney erbee ny mirrilyn shen y yannoo t’ou uss dy yannoo, mannagh bee Jee mârish.

Jannoo 13:1

Nish va ayns yn agglish va ec Antioch, shiartanse dy adeyryn as dy ir‐ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

Jannoo 20:20

As kys nagh dreill mee back nhee erbee veagh vondeishee diuish, agh hoilshee mee diu, as dynsee mee shiu dy foshlit, as veih thie dy thie,

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

1 Corinthianee 12:28

As ta Jee er hoiaghey paart ayns yn agglish, hoshiaght ostyllyn, ’sy nah ynnyd phadeyryn, ’sy trass ynnyd fir‐ynsee, lurg shen mirrillyn, eisht giootyn dy lheihys, fir‐choonee, reilltee, caghlaaghyn dy ghlare.

1 Corinthianee 12:5

As ta caghlaaghyn dy oikyn ayn, agh y Chiarn cheddin.

1 Corinthianee 14:26

Cre te eisht, vraaraghyn? tra ta shiu cheet cooidjagh, dy vel ec dagh unnane eu er‐lheh arrane spyrrydoil, dy vel echey ynsagh, dy vel echey glare yoarree, dy vel echey ashlish, dy vel echey dy chur bun er y ghoo. Lhig da dy chooilley nhee ve jeant gys ynsagh yn agglish.

Galatianee 6:6

Lhig dasyn t’er ny ynsaghey ayns y goo, shirveish ersyn ta gynsaghey jeh dy chooilley nhee mie [t’echey.]

Ephesianee 4:11

As hug eh da paart, dy ve nyn ostyllyn; as da paart, dy ve phadeyryn; as da paart, dy ve sushtallee; as da paart, dy ve bochillyn as fir‐ynsee.

Colossianee 4:17

As abbyr‐jee rish Archippus, Jeeagh dy jean oo cooilleeney yn oik casherick shen t’ou er gheddyn ayns y Chiarn.

1 Timothy 2:7

Gys shoh va mee er my oardaghey ny phreachoor, as ostyl (ta mee loayrt yn irriney ayns Creest, as cha vel mee ginsh breg) fer‐ynsee ny Ashoonee ayns credjal as firrinys.

1 Timothy 3:2

Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

1 Timothy 4:16

Cur tastey dhyt hene, as da dty ynsagh; jean tannaghtyn ayndoo: son ayns jannoo shoh, nee oo chammah oo hene y hauail, ad adsyn ta dy dty chlashtyn.

1 Timothy 5:17

Lhig da ny shanstyryn ta reill dy mie, ve coontit feeu jeh ooashley dooble, erskyn ooilley adsyn ta laboragh ’sy ghoo as ynsagh.

2 Timothy 2:2

As ny reddyn t’ou er chlashtyn voym’s roish ymmodee feanishyn, cur uss ayns treishteil deiney firrinagh, vees fondagh dy ynsaghey feallagh elley myrgeddin.

2 Timothy 2:24

As cha nhegin da sharvaant y Chiarn ve streeuagh: agh ve meen rish dy chooilley ghooinney, aarloo dy ynsaghey, surransagh.

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.