Romanee 12:6 - Yn Conaant Noa 1810

⁶ Fakin eisht dy vel ain caghlaa dy ghiootyn cordail rish y ghrayse t’er ny choyrt dooin, edyr y ve son phadeyrys, lhig dooin jannoo phadeyrys cordail rish y corrymid dy chredjue:

Yn Vible Casherick 1775 1819

⁶ Fakin eisht dy vel ain caghlaa dy ghiootyn cordail rish y ghrayse t’er ny choyrt dooin, edyr y ve son phadeyrys, lhig dooin jannoo phadeyrys cordail rish y corrymid dy chredjue:

Romanee 12:6 ပူးပေါင်းရင်းမြစ်များ

Noo Mian 23:34

Shen‐y‐fa, cur‐my‐ner, ta mish coyrt hiu phadeyryn, as deiney creeney, as scrudeyryn; as paart jeu nee shiu y varroo, as y chrossey, as paart jeu nee shiu y scuitchal ayns nyn guaiylyn, as geiyrt ad veih ard‐valley gys ard‐valley:

Noo Mian 25:22

Haink eshyn myrgeddin v’er gheddyn yn daa halent, as dooyrt eh, Hiarn, livrey uss dooys da halent: cur‐my‐ner, ta mee er chosney daa halent elley lhieu.

Noo Luke 11:49

As shoh yn oyr ta creenaght Yee er ghra, Ver‐ym huc phadeyryn as ostyllyn, as paart jeu nee ad y varroo, as tranlaase y yannoo orroo:

Jannoo 13:1

Nish va ayns yn agglish va ec Antioch, shiartanse dy adeyryn as dy ir‐ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

Jannoo 15:32

As myr va Judas as Silas nyn vadeyryn ad hene, choyrlee ad ny braaraghyn lesh ymmodee goan, as hickyree ad [ad ayns nyn gredjue.]

Jannoo 2:17

As hig eh gy‐kione ayns ny laghyn jerrinagh (ta Jee gra) dy deayrt‐yms magh jeh my Spyrryd er dy chooilley eill: as nee ny mec as ny inneenyn eu phadeyrys, as nee ny deiney aegey eu ashlishyn y akin, as ny shenn gheiney eu dreamallyn y ghreamal:

Jannoo 21:9

As va kiare inneenyn ec y dooinney cheddin, moidynyn, va jannoo phadeyrys.

Romanee 1:11

Son ta foddiaght orrym dy akin shiu, dy voddym gioot ennagh spyrrydoil y hirveish erriu, dy vod shiu ve er ny niartaghey;

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

1 Corinthianee 12:18

Agh nish ta Jee er hoiaghey ny oltyn, dagh unnane oc ayns y chorp, myr s’gooidsave lesh hene.

1 Corinthianee 13:2

As ga dy beagh aym yn gioot dy adeyrys, as dy doiggin dagh folliaght, as dy chooilley hushtey; as ga dy beagh aym dy chooilley chredjue myr shen dy voddin sleityn y scughey, as gyn graih ve aym, cha vel mee veg.

1 Corinthianee 14:1

Eiyr‐jee da graih [creestee,] as yeearree‐jee dy jeean giootyn spyrrydoil, agh erskyn ooilley dy vod shiu bun y choyrt er goo Yee.

1 Corinthianee 14:24

Agh my ta ooilley phadeyrys, as dy jig stiagh fer nagh vel credjal, ny gyn ynsagh, t’eh coyrlit lieriu ooilley, t’eh er ny vriwnys lieriu ooilley;

1 Corinthianee 14:29

Lhig da jees ny three jeh ny phadeyryn loayrt, as lhig da’n vooinjer elley briwnys.

1 Corinthianee 3:5

Quoi eisht ta Paul, as quoi Apollos, agh shirveishee lioroo ren shiu credjal, dy jarroo myr ta’n Chiarn er choyrt da dagh unnane e ghioot hene?

1 Corinthianee 7:7

Son baillym dy beagh dy chooilley ghooinney eer myr ta mee hene: agh ta e ghioot hene ec dagh dooinney veih Jee, fer er yn aght shoh, as fer er aght elley.

2 Corinthianee 8:12

Son my ta’n aigney hoshiaght arryltagh, ta soiagh jeant jeh cordail rish fort y dooinney, as cha nee cordail rish shen nagh vel echey.

Ephesianee 3:5

Nagh row ayns eashyn elley er ny hoilshaghey da cloan gheiney, myr te nish er ny ashlaghey da e ostyllyn casherick as e adeyryn liorish y Spyrryd;

Ephesianee 4:11

As hug eh da paart, dy ve nyn ostyllyn; as da paart, dy ve phadeyryn; as da paart, dy ve sushtallee; as da paart, dy ve bochillyn as fir‐ynsee.

Philippianee 3:15

Lhig dooinyn er‐y‐fa shen, whilleen as ta dy slane ynsit, ve jeh’n aigney shoh: as my vees shiu ayns nhee erbee jeh aigney elley, nee Jee shoh myrgeddin y hoilshaghey diu.

1 Thessalonianee 5:20

Ny jean‐jee beg y hoiaghey jeh phadeyrys.

2 Peddyr 1:20

Toiggal shoh hoshiaght, nagh vel phadeyrys erbee jeh’n scriptyr cheet veih aigney dooinney hene.