Romanee 12:2 - Yn Conaant Noa 1810

² As ny jean‐jee shiu hene y chummey gys y theihll shoh; agh bee‐jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Yn Vible Casherick 1775 1819

² As ny jean-jee shiu hene y chummey gys y theihll shoh; agh bee-jee er nyn gaghlaa ayns y cummey noa jeh nyn aigney, dy vod shiu prowal cre ta’n aigney shen dy Yee ta mie as booisal da, as dy slane casherick.

Romanee 12:2 ပူးပေါင်းရင်းမြစ်များ

Noo Mian 13:22

Eshyn myrgeddin ghow yn rass mastey ny drineyn, yn fer ta chlashtyn y goo: as ta kiarail y theihll shoh, as molteyrys berchys plooghey yn goo, as te cheet dy ve neu‐vessoil.

Noo Mark 4:19

As ta kiarail y theihll shoh, as molteyraght berchys, as saynt reddyn elley goll stiagh, as plooghey yn goo, as te cheet dy ve neu‐vessoil.

Noo Ean 14:30

Veih shoh magh cha loayr‐ym cooidvooar riu: son ta prince y theihll shoh cheet, as cha vel nhee erbee echey aynym’s.

Noo Ean 15:19

Dy beagh shiuish jeh’n theihll, veagh y seihll graihagh er e vooinjer hene: agh son nagh vel shiu jeh’n theihll, agh dy vel mish er reih shiu ass y theihll, shen‐y‐fa ta dwoaie ec y theihll erriu.

Noo Ean 17:14

Ta mee er chur daue dty ghoo; as ta’n seihll er chur dwoaie daue, er‐y‐fa nagh vel ad jeh’n theihll, myr nagh vel mish jeh’n theihll.

Noo Ean 7:7

Cha vod y seihll dwoaie y chur diuish, agh dooys te cur dwoaie; er‐yn‐oyr dy vel mee gymmyrkey feanish jeh, dy vel ny obbraghyn echey olk.

Romanee 12:1

Ta mee guee erriu er‐y‐fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Romanee 13:14

Agh cur‐jee erriu yn Chiarn Yeesey Creest, as ny gowjee kiarail erbee son yn eill, dy chooilleeney yn thaynt eck.

Romanee 7:12

Myr shen ta’n leigh casherick; as ta’n anney casherick, as cairagh, as mie.

Romanee 7:14

Son ta fys ain dy vel y leigh spyrrydoil: agh ta mish callinagh creckit fo peccah.

Romanee 7:22

Son ta taitnys aym ayns leigh Yee, cordail rish y dooinney er cheu‐sthie.

1 Corinthianee 3:19

Son ta creenaght y theihll shoh ommijys marish Jee: son te scruit, T’eh goaill yn vooinjer chreeney ayns y chroutys oc hene.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

2 Corinthianee 5:17

Shen‐y‐fa my ta dooinney erbee ayns Creest, t’eh ny chretoor noa: ta shenn reddyn er n’gholl shaghey, cur‐my‐ner, ta dy chooilley nhee jeant ass y noa.

Galatianee 1:4

Ren eh‐hene y choyrt son nyn beccaghyn, dy livrey shin veih’n drogh heihll t’ayn nish, cordail rish aigney Yee as nyn Ayr:

Ephesianee 1:18

Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Ephesianee 2:2

Ayndoo ren shiu gimmeeaght ayns y traa t’er n’gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee‐viallys:

Ephesianee 5:17

Shen‐y‐fa ny bee‐jee neu‐hastagh, agh toig‐jee cre ta aigney yn Chiarn.

Colossianee 1:9

Er yn oyr shoh cha vel shinyn myrgeddin, er‐dyn la cheayll shin jeh, scuirr dy ghoaill padjer er nyn son, as dy yeearree dy vod shiu ve jeant magh lesh toiggal jeh e aigney, ayns dy chooilley chreenaght as tushtey spyrrydoil:

Colossianee 3:10

As dy vel shiu er chur erriu yn dooinney noa, ta er ny yannoo ass‐y‐noa ayns tushtey, lurg y co‐chaslys echeysyn ren eshyn y chroo.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 4:3

Son shoh aigney Yee, dy jarroo yn chasherickys eu, dy lhisagh shiu freayll shiu hene veih maarderys;

Titus 3:5

Cha nee liorish obbraghyn dy chairys, ta shin er n’yannoo, agh cordail rish e vyghin t’eh er hauail shin liorish niee yn aa‐ghiennaghtyn [ayns bashtey], as jannoo shin ass‐y‐noa liorish y Spyrryd Noo;

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

Jamys 4:4

Shiuish gheiney as vraane maarderee [spyrrydoil,] nagh vel fys eu dy vel caarjys y theihll noidys rish Jee? quoi‐erbee er‐y‐fa shen saillish ve ny charrey da’n seihll, t’eh noid Yee.

1 Peddyr 1:14

Myr cloan biallagh, cha nee cummey shiu hene cordail rish ny shenn chliaghtaghyn, ayns y vee‐hushtey eu:

1 Peddyr 1:18

Son wheesh as dy vel fys eu nagh row shiu er nyn gionnaghey lesh reddyn ta goll‐mow, myr argid as airh, veih ny cliaghtaghyn fardalagh v’er nyn livrey diu veih nyn ayraghyn;

1 Peddyr 2:3

My she shen dy vel shiu er vlashtyn dy vel y Chiarn graysoil.

1 Peddyr 4:2

Nagh jinnagh eh ny sodjey ceau yn chooid elley jeh e hraa ayns yn eill, lurg sayntyn deiney, agh lurg aigney Yee.

2 Peddyr 1:4

Liorish t’er ny choyrt dooinyn gialdynyn erskyn towse mooar as ooasle; lioroo shoh dy vod shiu ve goaill ayrn jeh’n dooghys flaunyssagh, myr ta shiu er haghney yn neu‐ghlennid t’ayns y theihll trooid yeearreeyn ny foalley.

2 Peddyr 2:20

Son lurg daue ve er haghney broïd y theihll trooid tushtey jeh’n Chiarn as Saualtagh Yeesey Creest, my t’ad reesht goit ’sy ribbey, as yn varriaght er ny gheddyn orroo; ta’n jerrey oc ny smessey na’n toshiaght.

1 Ean 3:13

Ny gow‐jee yindys, my vraaraghyn, ga ta’n seihll coyrt dwoaie diu.

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.