Romanee 12:18 - Yn Conaant Noa 1810

¹⁸ My oddys eh ve, wheesh as t’ayns nyn booar, jean‐jee beaghey ayns shee rish dy chooilley ghooinney.

Yn Vible Casherick 1775 1819

¹⁸ My oddys eh ve, wheesh as t’ayns nyn booar, jean-jee baghey ayns shee rish dy chooilley ghooinney.

Romanee 12:18 ပူးပေါင်းရင်းမြစ်များ

Noo Mian 5:24

Faag ayns shen dty oural roish yn altar, as immee royd, jean coardail rish dty vraar hoshiaght, as eisht tar, as cheb dty oural.

Noo Mian 5:5

Bannit t’adsyn ta meen‐surransagh: son bee yn thalloo oc ayns eiraght.

Noo Mian 5:9

Bannit t’adsyn ta tayrn sleih gys shee: son bee ad enmyssit nyn gloan dy Yee.

Noo Mark 9:50

Ta’n sollan mie: agh my ta’n sollan er choayl e hailjys, kys hig e vree ayn reesht? Freill‐jee sollan ayndiu hene, as bee‐jee ayns shee yn derrey yeh rish y jeh elley.

Romanee 1:15

Shen‐y‐fa, gys rere my phooar, ta mee aarloo dy phreacheil yn sushtal diuish myrgeddin t’ec y Raue.

Romanee 14:17

Son cha nee bee ny jough reeriaght Yee, agh cairys, as shee as boggey ayns y Spyrryd Noo.

Romanee 14:19

Lhig dooin er‐y‐fa shen geiyrt da ny reddyn ta jannoo son shee, as lioroo oddys shin niartaghey y cheilley ’sy chredjue.

1 Corinthianee 7:15

Agh my ta eshyn nagh vel jeh’n chredjue son scarrey lhig da goll. Cha vel braar ny shuyr fo kiangley ayns lheid ny cooishyn: agh ta Jee er n’eamagh orrin gys shee.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Ephesianee 4:3

Imneagh dy reayll unnaneys y Spyrryd ayns y kiangley dy hee.

1 Thessalonianee 5:13

As dy yannoo ard‐soiagh jeu ayns graih er coontey nyn obbyr: as bee‐jee ec shee nyn mast’ eu hene.

2 Timothy 2:22

Chea myrgeddin veih yeearreeyn yn aegid: agh eiyr da ynrickys, credjue, graih, [as] shee, mâroosyn ta geamagh er y Chiarn ass cree glen.

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

1 Peddyr 3:11

Lhig da chea veih olk, as jannoo mie; lhig da shee y hirrey, as lhiantyn huggey.