Romanee 12:14 - Yn Conaant Noa 1810

¹⁴ Bannee‐jee adsyn ta jannoo tranlaase erriu; bannee‐jee, as ny gwee‐jee mollaght.

Yn Vible Casherick 1775 1819

¹⁴ Bannee-jee adsyn ta jannoo tranlaase erriu; bannee-jee, as ny gwee-jee mollaght.

Romanee 12:14 ပူးပေါင်းရင်းမြစ်များ

Noo Mian 5:44

Agh ta mish gra riu, Bee‐jee dooie da nyn noidyn, bannee‐jee adsyn ta gwee mollaght diu, jean‐jee mie dauesyn ta cur dwoaie diu, as gow‐jee padjer er nyn son ocsyn ta dy goanlyssagh jannoo tranlaase erriu:

Noo Luke 23:34

Eisht dooyrt Yeesey, Ayr, jean leih daue; son cha vel fys oc cre t’ad dy yannoo. As rheynn ad e choamrey, as hilg ad lottyn.

Noo Luke 6:28

Bannee‐jee adsyn ta gwee mollaght diu, as gow‐jee padjer er nyn son ocsyn ta cur seaghyn erriu.

Jannoo 7:60

As ghlioon eh sheese, as deïe eh lesh ard‐choraa, Hiarn, ny cur y peccah shoh ass nyn lieh. As tra v’eh er ghra shoh huitt eh ny chadley.

Romanee 12:21

Ny lhig da’n olk barriaght y gheddyn ort, agh fow barriaght er yn olk lesh jannoo mie.

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr‐jee er shen ta mie, chammah nyn mast’ eu hene, as rish dy chooilley ghooinney.

Jamys 3:10

Ass yn un veeal ta cheet bannaght as mollaght. My vraaraghyn, cha lhisagh ny reddyn shoh ve myr shen.

1 Peddyr 3:9

Cha nee cooilleeney olk son olk, ny oltooan son oltooan: agh ayns ynnyd shen, bannaghey; toiggal dy vel shiu gys shoh er ny eam, dy vod shiu bannaght y gheddyn myr eiraght.