Romanee 12:13 - Yn Conaant Noa 1810

¹³ Rheynn gys ymmyrch ny nooghyn ; arryltagh dy choyrt oltaghey‐bea da troailtee.

Yn Vible Casherick 1775 1819

¹³ Rheynn gys ymmyrch ny nooghyn; arryltagh dy choyrt oltaghey-bea da troailtee.

Romanee 12:13 ပူးပေါင်းရင်းမြစ်များ

Noo Mian 25:35

Son va mee accryssagh, as hug shiu beaghey dou: va mee paagh, as hug shiu jough dou: va mee my yoarree, as ghow shiu stiagh mee:

Jannoo 10:4

As tra yeeagh eh lesh, va aggle er, as dooyrt eh, Hiarn, cre shoh? As dooyrt eh rish, Ta dty phadjeryn as dty ghiastyllys er jeet seose son imraa kiongoyrt rish Jee.

Jannoo 4:35

As dyn goyrt eh sheese ec cassyn ny hostyllyn as va rheynn er ny yannoo er dy chooilley ghooinney cordail rish e eme.

Romanee 12:8

Ny eshyn ta coyrlaghey, da coyrle; eshyn ta cur da’n voght, lhig da ’yannoo eh lesh feoiltys; eshyn ta reill, lesh imnea; eshyn ta soilshaghey myghin, lesh gennallys.

1 Corinthianee 16:15

Ta mee guee erriu, vraaraghyn, (shione diu lught‐thie Stephanas, dy vel eh yn chied‐vess dy Achaia, as dy vel ad dy arryltagh er ghoaill orroo dy hirveish er ny nooghyn.)

2 Corinthianee 9:1

Nish mychione shirveish er ny nooghyn, cha lhiass dou scrieu hiu.

2 Corinthianee 9:12

Son cha vel shirveish y ghiastyllys shoh ny lomarcan jannoo feaysley er ymmyrch ny nooghyn, agh te coyrt er y hoshiaght myrgeddin mooarane booise gys Jee;

Galatianee 6:10

Myr ta caa ain er‐y‐fa shen, lhig dooin mie ’yannoo da dy chooilley ghooinney, er‐lheh dauesyn ta jeh lught‐thie’n chredjue.

1 Timothy 3:2

Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

Titus 1:8

Agh arryltagh dy choyrt oltaghey‐bea, carrey da deiney mie, soccaragh, cairagh, crauee, sheelt;

Titus 3:14

As lhig d’an vooinjer ainyn myrgeddin gynsaghey dy choyrt rish obbraghyn mie son ymmydyn ymmyrchagh, nagh bee ad neu‐vessoil.

Philemon 1:7

Son ta boggey as gerjagh mooar ain ayns dty ghraih, er‐yn‐oyr dy vel yeearreeyn ny nooghyn femoil er nyn ooraghey liort’s, vraar.

Hebrewnee 13:16

Agh dy yannoo mie, as dy rheynn [er ny boghtyn], ny jarrood‐jee: son lesh lheid ny ourallyn ta Jee er ny yannoo booiagh.

Hebrewnee 13:2

Ny jarrood‐jee dy choyrt oltagh‐bea da joarreeyn: son liorish ta paart er choyrt oltagh‐bea da ainleyn gyn‐yss daue hene.

Hebrewnee 6:10

Son cha vel Jee neu‐chairagh, dy jarrood eh ny obbraghyn as y laboraght euish dy ghraih, ta shiu er hoilshaghey er coontey’n ennym echey, ayns dy vel shiu er hirveish er ny nooghyn, as ta foast shirveish [orroo].

1 Peddyr 4:9

Cur‐jee oltaghey‐bee yn derrey yeh da’n jeh elley fegooish mooaraghey.

1 Ean 3:17

Agh quoi‐erbee ta cooid y theihll shoh echey, as fakin e vraar ayns feme, as ta dooney seose e veeghyn dy hymmey voish; kys ta graih Yee tannaghtyn ayn?

3 Ean 1:5

Charrey, t’ou jannoo dy credjuagh cre‐erbee t’ou jannoo son ny braaraghyn, as son joarreeyn;