Romanee 12:12 - Yn Conaant Noa 1810

¹² Gennal ayns treishteil; surransagh ayns seaghyn; tannaghtyn kinjagh ayns padjer:

Yn Vible Casherick 1775 1819

¹² Gennal ayns treishteil; surransagh ayns seaghyn; tannaghtyn kinjagh ayns padjer:

Romanee 12:12 ပူးပေါင်းရင်းမြစ်များ

Noo Mian 5:12

Gow‐jee boggey as bee‐jee erskyn‐towse gennal: son ’smooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Luke 10:20

Ny‐yeih ayns shoh ny gow‐jee boggey, dy vel ny spyrrydyn biallagh diu: agh gow‐jee boggey smoo, dy vel ny enmyn eu scruit ayns niau.

Noo Luke 21:19

Fo ooilley nyn seaghyn cum‐jee seose nyn gree.

Noo Luke 8:15

Agh shen er y thalloo mie, yn vooinjer, ta lesh creeaghyn onneragh as mie, er chlashtyn yn goo, as ta dy reayll oc eh, as cur magh mess lesh meenid.

Jannoo 1:14

Chum ad shoh ooilley dy cheilley lesh un aigney ayns padjer as aghin, marish ny mraane, as Moirrey moir Yeesey, as e vraaraghyn.

Jannoo 12:5

Va Peddyr er‐y‐fa shen er ny reayll ayns pryssoon; agh va padjer kinjagh er ny ghoaill gys Jee er e hon.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 6:4

Agh nee shinyn tannaghtyn kinjagh dy hirveish ayns padjer as preacheil y goo.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

Romanee 15:4

Son cre‐erbee ny reddyn v’er nyn scrieu ’sy traa t’er n’gholl shaghey, v’ad scruit son yn ynsagh ain; trooid meenid as gerjagh ny scriptyryn dy voddagh treishteil ve ain.

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

Romanee 8:25

Agh my ta shin treishteil son shen nagh vel shin fakin, eisht ta shin lesh meenid farkiaght er y hon.

1 Corinthianee 13:13

As nish ta ayn ny three grayseyn shoh, credjue, treishteil, as graih; agh yn grayse syrjey jeu shoh graih.

2 Corinthianee 12:8

Son y red shoh ren mish guee gys y Chiarn three keayrtyn, dy scughey voym eh.

Philippianee 3:1

Ny sodjey, my vraaraghyn, gow‐jee boggey ayns y Chiarn. Dy scrieu ny reddyn cheddin hiuish, cha vel eh deinagh dooys, agh diuish te vondeishagh.

Philippianee 4:4

Gow‐jee boggey ayns y Chiarn dy kinjagh, as reesht ta mee gra, Gow‐jee boggey.

Colossianee 1:11

Er nyn niartaghey lesh slane troshid, cordail rish y phooar gloyroil echeysyn, gys dy chooilley veenid as surranse‐foddey, lesh gennallys;

Colossianee 1:27

Dauesyn ve aigney Yee dy hoilshaghey cre ta’n verchys ghloyroil jeh’n folliaght shoh mastey ny Ashoonee; ta shen Creest ayndiuish, yn treishteil dy ghloyr:

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

Colossianee 4:2

Jean‐jee tannaghyn ayns padjer, as bee‐jee dooishtagh ’sy chooid cheddin lesh toyrt‐booise;

1 Thessalonianee 1:3

Cooinaghtyn dy kinjagh er yn obbyr eu dy chredjue, as y tooilleil dy ghraih, as y surranse dy hreishteil ayns nyn Jiarn Yeesey Creest, ayns shilley Yee as nyn Ayr:

1 Thessalonianee 5:8

Agh lhig dooinyn ta jeh’n laa, ve sheelt, coyrt orrin yn breast‐plate dy chredjue as graih, as son bayrn‐caggee, yn treishteil dy haultys.

2 Thessalonianee 1:4

Myr shen dy vel shin hene boggyssagh ayns y lieh eu ayns kialteenyn Yee, son y meenid, as credjue eu, ayns ooilley’n tranlaase as y seaghyn ta shiu dy hurranse.

2 Thessalonianee 3:5

As dy jean y Chiarn ny creeaghyn eu y leeideil ayns graih Yee, as ayns farkiaght surransagh er Creest.

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

2 Timothy 3:10

Agh t’ou uss dy slane er hoiggal my ynsagh, my aght‐beaghee, my chiarail, my chredjue, my hurranse‐foddey, my ghraih, my veenid,

Titus 2:13

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Titus 3:7

Er ny heyrey liorish e ghrayse, dy voddagh shin ve jeant nyn eiraghyn cordail rish treishteil yn vea veayn.

Hebrewnee 10:32

Agh cooinee‐jee er ny laghyn t’er n’gholl shaghey, ayndoo tra haink shiu gys soilsheyn’n tushtal, chum shiu rish dy dunnal fo’n laad trome dy heaghyn.

Hebrewnee 10:36

Son te ymmyrchagh diu dy chummal rish dy surransagh; lurg diu v’er n’yannoo aigney Yee, dy vod shiu yn gialdyn y gheddyn.

Hebrewnee 12:1

Shen‐y‐fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

Hebrewnee 3:6

Agh Creest myr Mac harrish e hie hene: yn thie echesyn ta shin, my ta shin cummal shickyr dunnallys as boggey nyn dreishteil gys y jerrey.

Hebrewnee 5:7

Ayns laghyn e ghooghys‐foalley, tra v’eh er hebbal padjeryn as aghinyn, lesh eam jeean as jeir, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

Hebrewnee 6:12

Nagh bee shiu lhag‐chreeagh, agh eiyrtyssee orroosyn, ta trooid credjue as meenid er chosney ny gialdynyn.

Hebrewnee 6:15

As myr shen lurg da v’er hurranse dy meen, hooar eh cooilleen yn ghialdyn.

Jamys 5:7

Fark‐jee er‐y‐fa shen, vraaraghyn, derrey cheet y Chiarn. Cur‐my‐ner, ta’n eirinnagh farkiagh son mess berchagh y thallooin, as t’eh farkiagh foddey er y hon, derrey hig fliaghey cooie ny imbaghyn.

1 Peddyr 4:13

Agh gow‐jee boggey, ayns wheesh as dy vel shiu goaill ayrn jeh surranseyn Chreest; tra vees y ghloyr echeysyn er ny hoilshageey, dy vod shiuish ve gennal myrgeddin lesh boggey erskyn earroo.

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

2 Peddyr 1:6

As gys tushtey, sheeltys; as gys sheeltys, surranse; as gys surranse, craueeaght;

Ashlish 13:10

Eshyn ta leeideil gys cappeeys, hed [eh hene] gys cappeeys: Eshyn ta marroo lesh y chliwe, bee eh er ny varroo lesh y chliwe. Ayns shoh ta meenid as credjue ny nooghyn.