Romanee 11:7 - Yn Conaant Noa 1810

⁷ Cre eisht? Cha vel Israel er roshtyn gys shen v’eh shirrey er y hon; agh ta’n fooilliagh reiht er chosney eh, as va’n chooid elley er nyn greoghey:

Yn Vible Casherick 1775 1819

⁷ Cre eisht? Cha vel Israel er roshtyn gys shen v’eh shirrey er y hon; agh ta’n fooilliagh reiht er chosney eh, as va’n chooid elley er nyn greoghey:

Romanee 11:7 ပူးပေါင်းရင်းမြစ်များ

Noo Mark 6:52

Son cha chooinee ad er [mirril] ny bwilleenyn, son va’n cree oc er ny chreoghey.

Noo Luke 13:24

Streeu‐jee shiuish dy gholl stiagh er y ghiat coon: son nee ymmodee, ta mee gra riu, shirrey goll stiagh, agh cha jig eh lhieu.

Noo Ean 12:40

T’eh er lhiggey lhieu dolley ny sooillyn oc, as creoghey nyn gree; nagh vaikagh ad lesh nyn sooillyn, as nagh doighagh ad lesh nyn gree, dy beagh ad er nyn jyndaa, as dy jinnin ad y lheihys.

Romanee 10:3

Son mee‐hushtagh jeh cairys Yee, as shirrey dy hoiaghey seose yn chairys oc hene, cha vel ad er injillaghey ad hene gys cairys Yee.

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 11:5

Dy jarroo myr shen ec yn eer traa shoh myrgeddin ta fooilliagh ayn cordail rish y conaant dy ghrayse.

Romanee 3:9

Cre eisht? vel shinyn ny share na adsyn? Cha vel er aght erbee: son ta shin roïe er phrowal dy vel chammah Ewnyn as Ashoonee, ooilley fo peccah;

Romanee 6:15

Cre eisht? der mayd rish peccah, er‐yn‐oyr nagh vel shin fo’n leigh, agh fo grayse? ny lhig eh Jee.

Romanee 9:18

Shen‐y‐fa t’eh myghinagh, dasyn saillish ve myghinagh, as eshyn saillish, t’eh dy chreoghey.

Romanee 9:23

As dy hoilshaghey berchys e ghloyr er ny siyn dy vyghin, v’eh roïe er chiarail son gloyr?

1 Corinthianee 10:19

Cre jir‐ym eisht? dy vel jalloo veg eddyr, ny dy vel shen ny ta er ny ouralley gys jallooyn veg eddyr?

2 Corinthianee 3:14

Agh va nyn aignaghyn dollit: son gys y laa t’ayn jiu ta’n coodagh cheddin er‐mayrn orroo, ayns lhaih yn chenn chonaant; yn coodagh cheddin ta goit jeh ayns Creest.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

Philippianee 1:18

Cre eisht? ny‐yeih, er dy chooilley aght, edyr eh ve ayns foalsaght, ny ayns firrinys, ta Creest er ny phreacheil; as er y choontey shen ta mee goaill boggey, as dy jarroo nee’m boggey y ghoaill.

Hebrewnee 12:17

Son ta fys eu kys ny lurg shen tra v’eh aggindagh dy gheddyn yn eiraght marish y bannaght, v’eh er ny yiooldey: son cha row saase son caghlaa‐aigney ’sy chooish, ga dy ren eh aghin dy jeean lesh jeir.

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.