Romanee 11:36 - Yn Conaant Noa 1810

³⁶ Son veihsyn, as ny hrooidsyn, as dasyn ta dy chooilley nhee: huggey dy row gloyr son dy bragh. Amen.

Yn Vible Casherick 1775 1819

³⁶ Son veihsyn, as ny hrooidsyn, as dasyn ta dy chooilley nhee: huggey dy row gloyr son dy bragh. Amen.

Romanee 11:36 ပူးပေါင်းရင်းမြစ်များ

Noo Mian 6:13

As ny leeid shin anyns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh. Amen.

Noo Luke 19:38

Gra, Bannit dy row yn Ree ta cheet ayns ennym y Chiarn: shee ayns niau, as gloyr ayns yn yrjid.

Noo Luke 2:14

Gloyr dy row gys Jee ayns yn yrjid, as er y thalloo shee, aigney‐mie gys deiney.

Jannoo 17:28

Son aynsyn ta shin bio, as bioyr, as beaghey; myr sheer da paart jeh ny bardoonee eu hene ta gra, Son ta shinyn neesht jeh’n cluight echeysyn.

Romanee 16:27

Gys yn ynrycan Jee creeney dy row gloyr trooid Yeesey Creest son dy bragh. Amen.

1 Corinthianee 11:12

Son myr va’n ven veih’n dooinney, myr shen dy jarroo ta’n dooinney liorish y ven: agh ta dy chooilley nhee veih Jee.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

Galatianee 1:5

Huggeysyn dy row gloyr son dy bragh as dy bragh. Amen.

Ephesianee 3:21

Huggey dy row gloyr ayns yn agglish liorish Creest Yeesey, trooid magh dy chooilley eash, seihll gyn jerrey. Amen.

Philippianee 4:20

Nish gys Jee as nyn Ayr dy row gloyr son dy bragh as dy bragh. Amen.

1 Timothy 1:17

Nish gys y Ree dy bragh beayn, va er‐dy‐rieau, nagh vod ve er ny akin, gys yn ynrican Jee creeney, dy row ooashley as gloyr, son dy bragh as dy bragh. Amen.

1 Timothy 6:16

Echeysyn ny lomarcan ta’n vea dy bragh farraghtyn, beaghey ’sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin; huggeysyn dy row ooashley as pooar dy bragh farraghtyn. Amen.

2 Timothy 4:18

As nee’n Chiarn my livrey veih dy chooilley obbyr olk, as nee eh m’y choadey gys e reeriaght flaunyssagh: huggey dy row gloyr son dy bragh as dy bragh. Amen.

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

1 Peddyr 4:11

My ta dooinney erbee loayrt, lhig da loayrt cordail rish goo Yee; my ta dooinney erbee shirveish, lhig da shen y yannoo cordail rish y phooar ta Jee dy choyrt da: dy vod Jee ayns dy chooilley nhee ve er ny ghloyraghey, trooid Yeesey Creest; dasyn dy row moylley as reill son dy bragh dy bragh. Amen.

1 Peddyr 5:11

Huggeysyn dy row gloyr as reill son dy bragh as dy bragh. Amen.

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.

Jude 1:25

Gys yn ynrycan Jee creeney nyn Saualtagh, dy row gloyr as ard‐ooashley, reill as pooar, nish as dy bragh. Amen.

Ashlish 19:1

Lurg ny reddyn shoh cheayll mee sheean mooar myr jeh mooarane pobble ayns niau, gra, Alleluia: Saualtys, as gloyr, as ooashley, as pooar dy row gys y Chiarn y Jee ain:

Ashlish 21:6

As dooyrt eh rhym, Te cooilleenit. Mish Alpha as Omega, yn toshiaght as y jerrey: ver‐yms dasyn ta paagh farrane ushtey’n vea nastee.

Ashlish 7:10

As hrog ad seose nyn goraa dy ard, gra, Saualtys gys y Jee ain, ta ny hoie er y stoyl‐reeoil, as gys yn Eayn.

Ashlish 7:12

Gra, Amen: Bannaght, as gloyr, as creenaght, as booise, as ooashley, as pooar, as niart, dy row gys y Jee ainyn son dy bragh as dy bragh. Amen.