Romanee 11:25 - Yn Conaant Noa 1810

²⁵ Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Yn Vible Casherick 1775 1819

²⁵ Son cha baillym, vraaraghyn, dy beagh shiu mee-hushtagh jeh’n folliaght shoh, (er-aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 11:25 ပူးပေါင်းရင်းမြစ်များ

Noo Mian 13:11

Dreggyr eshyn, as dooyrt eh roo, Er‐yn‐oyr dy vel eh er ny choyrt diuish folliaghtyn reeriaght niau y hoiggal, agh dauesyn cha vel eh er ny choyrt.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Noo Ean 10:16

As kirree elley t’aym, nagh vel jeh’n woaillee shoh: ad shen neesht shegin dou y chur lhiam, as cluinnee ad my choraa; as bee un woaillee ayn, as un vochilley.

Romanee 1:13

Nish cha baill‐ym eh ve gyn‐yss diu, vraaraghyn, dy row mee dy mennick kiarail cheet hiu (agh choud shoh va mee er my lhiettal) dy voddagh mess ennagh ve aym ny vud euish myrgeddin, dy jarroo myr mastey Ashoonee elley.

Romanee 11:12

Nish, my ta’n tuittym ocsyn berchys y theihll, as y coayl oc cosney ny Hashoonee; cre‐woad smoo vees yn slane cheet stiagh oc [gys y chredjue?]

Romanee 11:24

Son my v’ou uss giarit jeh veih’n villey‐olive ta feïe liorish dooghys, as oo soit stiagh noi dooghys ayns y billey olive kenjal; cre‐woad smoo vees ad shoh ta nyn manglaneyn dooghyssagh, soit stiagh ayns y billey‐olive oc hene?

Romanee 12:16

Bee‐jee jeh un aigney yn derrey yeh gys y jeh elley. Ny soie‐jee nyn aigney er nheeghyn ard, agh croym‐jee gys deiney ta injil ayns stayd. Ny bee‐jee creeney ayns ny smooinaghtyn eu hene.

Romanee 16:25

Nish dasyn ta pooaral dy niartaghey shiu cordail rish yn sushtal aym’s, as preacheil Yeesey Creest, (cordail rish soilshaghey yn folliaght, v’er ny cheiltyn er dy hoshiaght y theihll,

Romanee 9:18

Shen‐y‐fa t’eh myghinagh, dasyn saillish ve myghinagh, as eshyn saillish, t’eh dy chreoghey.

1 Corinthianee 10:1

Ny sodjey, vraaraghyn, cha baillym shiu ve neu‐hushtagh, kys dy row ooilley ny ayraghyn ain fo’n vodjal, as hie ad‐ooilley trooid yn aarkey;

1 Corinthianee 12:1

Nish mychione giootyn spyrrydoil, vraaraghyn, cha baillym shiu ve mee‐hushtagh.

1 Corinthianee 2:7

Agh ta shin loayrt creenaght Yee ayns folliaght, dy jarroo yn chreenaght follit shen ren Jee goardaghey roish ny seihllyn gys y ghloyr ainyn:

1 Corinthianee 4:1

Lhig da dooinney myr shen soiaghey j’inyn, myr jeh shirveishee Chreest, as stiurtyn jeh folliaghtyn Yee.

Ephesianee 1:9

As er hoilshaghey dooin folliaght e aigney hene, cordail rish e haitnys mie, ren eh ’chiarail ayn hene:

Ephesianee 3:9

As dy hoilshaghey dy foshlit da dy chooilley ghooinney, cre ta commeeys y folliaght ta er ve er dy hoshiaght y theihll keillit ayns Jee, ren dy chooilley nhee y chroo liorish Yeesey Creest:

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

2 Peddyr 3:8

Agh, toig‐jee shoh my chaarjyn, dy vel un laa marish y Chiarn myr thousane bleïn, as thousane bleïn myr un laa.

Ashlish 1:20

Folliaght ny shiaght rollageyn honnick oo ayns my laue‐yesh, as ny shiaght cainleyryn dy airh. Ta ny shiaght rollageyn ainleyn ny shiaght kialteenyn: as ny shiaght cainleyryn honnick oo, t’ad ny shiaght kialteenyn.

Ashlish 10:7

Agh ayns laghyn coraa yn chiaghtoo ainle, tra nee eh toshiaght dy heidey, dy beagh folliaght Yee er ny chooilleeney, myr t’eh er hoilshaghey da e harvaantyn ny phadeyryn.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 7:9

Lurg shoh yeeagh mee, as cur‐my‐ner, va earroo mooar nagh voddagh dooinney erbee ad y choontey, jeh dy chooilley ashoon, as kynney, as pobble, as glare, nyn shassoo kiongoyrt rish y stoyl‐reeoil, as kiongoyrt rish yn Eayn, ayns coamraghyn gial, as banglaneyn dy villey‐palm ayns nyn laueyn: