Romanee 11:20 - Yn Conaant Noa 1810

²⁰ S’feer eh: v’adsyn brisht jeh kyndagh rish mee‐chredjue, as t’ou uss dy hassoo liorish credjue. Ny bee ard‐aignagh, agh gow aggle.

Yn Vible Casherick 1775 1819

²⁰ S’feer eh; v’adsyn brisht jeh kyndagh rish mee-chredjue, as t’ou uss dy hassoo liorish credjue. Ny bee ard-aignagh, agh gow aggle.

Romanee 11:20 ပူးပေါင်းရင်းမြစ်များ

Noo Luke 18:14

Ta mee ginsh diu, dy jagh y dooinney shoh sheese gys e hie er ny heyrey roish y jeh elley: son bee dy chooilley er ta dy hoiaghey eh hene seose, er ny injillaghey; as bee eshyn ta dy injillaghey eh hene, er ny hoiaghey seose.

Jannoo 18:6

Agh son wheesh as dy dirree ad magh n’oï, as dy loayr ad dy lunagh, chrie eh e choamrey, as dooyrt eh roo, Yn uill eu dy row er ny king eu hene; ta mish neu‐chyndagh: veih shoh magh hem roym gys ny Ashoonee.

Romanee 11:18

Ny jean uss oo hene y ymmyrkey dy mooaralagh noi ny banglaneyn: agh my t’ou boggyssagh, cha vel oo gymmyrkey yn fraue, agh y fraue uss.

Romanee 11:21

Son mannagh ren Jee sparail ny banglaneyn dooghyssagh, bee er dty hwoaie er‐aggle myrgeddin nagh lhig eh lhiat’s.

Romanee 12:16

Bee‐jee jeh un aigney yn derrey yeh gys y jeh elley. Ny soie‐jee nyn aigney er nheeghyn ard, agh croym‐jee gys deiney ta injil ayns stayd. Ny bee‐jee creeney ayns ny smooinaghtyn eu hene.

Romanee 12:3

Son, liorish y ghrayse er ny choyrt dooys, ta mee gra rish dy chooilley ghooinney ta ny vud eu, gyn dy smooinaghtyn ny syrjey jeh hene na lhisagh eh smooinaghtyn; agh dy smooinaghtyn dy sheelt, cordail rish y towse dy chredjue ta Jee er rheynn er dy chooilley ghooinney.

Romanee 3:3

Son cre mannagh ren paart credjal? jean y mee‐chredjue ocsyn firrinys Yee y choyrt naardey?

1 Corinthianee 10:12

Shen‐y‐fa lhig dasyn ta smooinaghtyn dy vel eh ny hassoo, kiarail y ghoaill nagh duitt eh.

1 Corinthianee 15:1

Ny‐sodjey, vraaraghyn, ta mee soilshaghey diu yn sushtal ren mee y phreacheil diu, eh ta shiu myrgeddin er ghoaill rish, as ayn ta shiu shassoo;

1 Corinthianee 16:13

Bee‐jee er nyn arrey, shass‐jee shickyr ’sy chrodjue, ymmyrk‐jee shiu hene myr deiney, bee‐jee dunnal.

2 Corinthianee 1:24

Cha nee dy vel shin gymmyrkey reill harrish nyn gredjue, agh ta shin fir‐choonee dy vishaghey nyn moggey: son liorish credjue ta shiu shassoo.

2 Corinthianee 10:5

Tilgey sheese resooney fardalagh, as dagh nhee mooaralagh ta soiaghey seose eh hene noi tushtey Yee, as coyrt lhien ayns cappeeys dy chooilley smooinaghtyn gys biallys Chreest:

Philippianee 2:12

Shen‐y‐fa, my chaarjyn, myr ta shiu dy kinjagh er ve biallagh, cha nee myr ayns my enish ny‐lomarcan, agh nish foddey smoo myr ta mee veue; obbyr‐jee magh nyn saualtys hene lesh aggle as atchim.

Colossianee 2:7

Fraueit as troggit seose aynsyn, as er nyn niartaghey ayns y chredjue, myr ta shiu er ve ynsit, bishaghey ayn lesh toyrt‐booise.

2 Thessalonianee 2:4

Quoi ta soiaghey eh hene seose noi, as troggal eh hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

1 Timothy 6:17

Cur currym orroosyn ta berchagh ’sy theihll shoh, nagh bee ad ard‐aignagh, ny treishteil ayns berchys neu‐hickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

Hebrewnee 3:12

Cur‐jee twoaie, vraaraghyn, nagh bee ayns veg eu drogh chree dy vee‐chredjue, ayns treigeil y Jee bio.

Hebrewnee 3:19

Myr shen hee mayd nagh voddagh ad goll stiagh kyndagh rish mee‐chredjue.

Hebrewnee 4:11

Lhig dooinyn er‐y‐fa shen streeu dy gholl stiagh ayns y fea shen er‐aggle dy duitt dooinney erbee lurg y sampleyr cheddin dy vee‐viallys.

Hebrewnee 4:6

Fakin eisht dy nee shoh myr te dy nhegin da paart goll stiagh, as nagh ren adsyn dane va’n sushtal hoshiaght er ny phreacheil, goll stiagh ayn kyndagh rish mee‐chredjue:

Jamys 2:19

T’ou credjal dy vel un Jee ayn; t’ou jannoo dy mie: ta ny drogh‐spyrrydyn hene credjal, as er‐creau.

Jamys 4:6

Agh t’eh coyrt ny smoo dy ghrayse: shen‐y‐fa t’eh gra, Ta Jee cur eddin da ny mooaralee, as coyrt grayse dauesyn ta imlee.

1 Peddyr 1:17

As my ta shiu genmys eshyn nyn Ayr, ta fegooish jannoo soiagh jeh persoonyn, briwnys cordail rish obbyr dy chooilley ghooinney, ceau‐jee earish nyn droailtys ayns shoh ayns aggle:

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

1 Peddyr 5:9

N’oï shass‐jee dy shickyr ayns y chredjue; myr ta toiggal eu dy vel ny seaghyn cheddin er ny ymmyrkey liorish ny braaraghyn eu t’ayns y theihll.

Ashlish 18:7

Corrym rish y stayd mooaralagh t’ee er ghoaill urree, as er veaghey ayns rouanys, yn corrymid cheddin dy cherraghey as dy heaghyn cur‐jee urree: son t’ee gra ayns e cree, Ta mee my hoie my ven‐reïn, as cha nee ben‐treoghe mee, as cha jig trimshey erbee my raad.

Ashlish 3:17

Son dy vel oo gra, Ta mee berchagh, as er vishaghey ayns cooid, as nagh vel mee feme nhee erbee; as cha vel oo goaill hood hene dy vel oo treih, as seaghnit, as boght, as doal, as rooisht.