Romanee 10:9 - Yn Conaant Noa 1810

⁹ My nee oo lesh dty veeal goaill‐rish yn Chiarn Yeesey, as credjal ayns dty chree dy vel Jee er hroggal eh veih ny merriu, bee oo er dty hauail.

Yn Vible Casherick 1775 1819

⁹ My nee oo lesh dty veeal goaill-rish yn Chiarn Yeesey, as credjal ayns dty chree dy vel Jee er hroggal eh veih ny merriu, bee oo er dty hauail.

Romanee 10:9 ပူးပေါင်းရင်းမြစ်များ

Noo Luke 12:8

Myrgeddin ta mee gra riu, Quoi‐erbee ghoys rhyms kiongoyrt rish deiney, nee yn Mac dooinney myrgeddin goaill rishyn kiongoyrt rish ainleyn Yee.

Noo Ean 9:22

Ny goan shoh loayr e ayr as e voir, son dy row ad ayns aggle roish ny Hewnyn: son va ny Hewnyn er choardail hannah, my ghoghe dooinney erbee rish dy nee eh va’n Creest, dy beagh eh er ny ghiarey magh ass y synagogue.

Jannoo 16:31

As dooyrt ad, Jean credjal ayns y Chiarn Yeesey Creest, as bee oo hene as dty hie er nyn sauail.

Jannoo 2:24

Eshyn ta Jee er hroggal seose reesht veih ny merriu, liorish feaysley geulaghyn e vaaish: son nagh row eh ayns pooar y vaaish dy chummal fo eh.

Jannoo 2:32

Shoh yn Yeesey cheddin ta Jee er hroggal seose, myr ta shinyn ooilley nyn veanishyn.

Jannoo 8:36

As myr v’ad goll er y raad, haink ad gys ushtey dy row: as dooyrt yn eunuch, Jeeagh, shoh ushtey; cre ta dy my lhiettal’s dy ve bashtit?

Romanee 10:10

Son lesh y chree ta dooinney credjal gys cairys, as lesh y veeal ta goaill rish [y chredjue] er ny yannoo gys saualtys.

Romanee 14:11

Son te scruit, Myr ta mee bio, ta’n Chiarn dy ghra, shegin da dy chooilley ghlioon croymmey hym’s, as shegin da dy chooilley hengey goaill‐rish gys Jee.

Romanee 14:9

Son er‐y‐fa shoh hooar Creest chammah baase, as dirree eh, as vio‐ee eh reesht, dy voddagh eh ve Chiarn chammah ny bio as ny merriu.

Romanee 4:24

Agh er y choontey ainyn myrgeddin, gys nyn lieh vees eh er ny choyrt, my ta shin credjal ersyn hrog seose Yeesey nyn Jiarn veih ny merriu,

Romanee 8:34

Quoi eh ta deyrey? she Creest hooar baase, ny sodjey, t’er n’irree reesht, ta eer ec laue yesh Yee, as ta myrgeddin loayrt ayns y lieh ain.

1 Corinthianee 12:3

Shen‐y‐fa ta mish soilshaghey diu, nagh vel dooinney erbee ta loayrt liorish Spyrryd Yee, genmys Yeesey mollaghtagh: as nagh vod dooinney erbee gra dy nee Yeesey yn Chiarn, agh liorish y Spyrryd Noo.

Philippianee 2:11

As dy lhisagh dy chooilley hengey goaill‐rish dy nee Yeesey Creest yn Chiarn, gys gloyr Yee yn Ayr.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Ean 4:15

Quoi‐erbee nee goaill‐rish dy nee Yeesey Mac Yee, ta Jee tannaghtyn aynsyn, as eshyn ayns Jee.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.