Romanee 10:2 - Yn Conaant Noa 1810

² Son ta mee gymmyrkey feanish daue, dy vel graih jeean oc er Jee, agh cha nee cordail rish tushtey (firrinagh.)

Yn Vible Casherick 1775 1819

² Son ta mee gymmyrkey feanish daue, dy vel graih jeean oc er Jee, agh cha nee cordail rish tushtey (firrinagh).

Romanee 10:2 ပူးပေါင်းရင်းမြစ်များ

Noo Ean 16:2

Ver ad shiu magh ass ny kialteenyn: as ta’n oor cheet, quoi‐erbee varrys shiu, dy smooinee eh dy bee eh shirveish Jee.

Jannoo 21:20

As tra cheayll ad shen, ren ad y Chiarn y ghloyraghey, as dooyrt ad rish, T’ou fakin, vraar, cre whilleen thousane jeh ny Hewnyn t’er ghoaill yn credjue orroo; as ta graih jeean oc ooilley son y leigh.

Jannoo 21:28

Geamagh, Gheiney Israel, cooin‐jee lhien: shoh’n dooinney ta gynsaghey dy chooilley ghooinney, ayns dy chooilley ynnyd noi yn pobble, as y leigh, as y boayl shoh; as ny sodjey na shen t’eh er chur lesh Ashoonee stiagh ayns y chiamble, as er vee‐ooashlaghey yn ynnyd casherick shoh.

Jannoo 22:22

As deaisht ad rish gys y fockle shoh, as eisht hrog ad seose nyn goraa, as dooyrt ad, Ersooyl‐jee lesh lheid yn er shoh jeh’n thalloo: son cha vel eh cooie eh dy ve bio.

Jannoo 22:3

Ta mish dy firrinagh my ghooinney ta my Hew, ruggyr ayns Tarsus, ard‐valley ayns Cilicia, agh va mee troggit ayns yn ard‐valley shoh, ec cassyn Ghamaliel, as ynsit lurg aght s’ynrick leigh nyn shenn‐ayryn, ayns graih jeean gys Jee, myr t’euish ooilley jiu.

Romanee 10:1

Vraaraghyn, yeearree my chree as my phadjer gys Jee son Israel te, dy voddagh ad ve er nyn sauail.

Romanee 10:3

Son mee‐hushtagh jeh cairys Yee, as shirrey dy hoiaghey seose yn chairys oc hene, cha vel ad er injillaghey ad hene gys cairys Yee.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

2 Corinthianee 8:3

Son gys rere nyn booar (ta mee gymmyrkey feanish) dy jarroo, as erskyn ny va fort oc, v’ad arryltagh jeu hene:

Galatianee 1:14

As ayns credjue ny Hewnyn va mee ynsit erskyn ymmodee my choasanyn ayns my ashoon hene, shassoo jeean son cliaghtaghyn m’ayraghyn.

Galatianee 4:15

Cre va eisht yn vaynrys loayr shiu jeh? son ta mee gymmyrkey feanish diu, my oddagh eh ve, dy beagh shiu er phluckey magh nyn sooillyn hene, dy chur dooys ad.

Philippianee 1:9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

Philippianee 3:6

Mychione jeeanid son y leigh, jannoo tranlaase er yn agglish; mychione y chairys ta liorish y leigh, gyn foill.

Colossianee 4:13

Son ta mee gymmyrkey feanish da, dy vel graih feer jeean echey er nyn son euish, as er nyn son ocsyn ta ayns Laodicea, as adsyn ta ayns Hierapolis.