Romanee 10:18 - Yn Conaant Noa 1810

¹⁸ Agh ta mish dy ghra, Nagh vel adsyn er chlashtyn? Ta dy feer, hie yn coraa oc er feai‐nycruinney, as ny goan oc gys ny ardjyn sodjey magh jeh’n theihll.

Yn Vible Casherick 1775 1819

¹⁸ Agh ta mish dy ghra, Nagh vel adsyn er chlashtyn? Ta dy feer, hie yn coraa oc er feaï-ny-cruinney, as ny goan oc gys ny ardjyn sodjey magh jeh’n theihll.

Romanee 10:18 ပူးပေါင်းရင်းမြစ်များ

Noo Mian 24:14

As bee sushtal yn reeriaght er ny phreacheil ayns ooilley yn seihll, son feanish da dy chooilley ashoon, as eisht nee yn jerrey cheet.

Noo Mian 26:13

Dy firrinagh ta mee gra riu, Cre‐theihll y raad vees yn sushtal shoh er ny phreacheil, dy bee shoh myrgeddin ta’n ven shoh er n’yannoo, er ny imraa ayns cooinaghtyn j’ee.

Noo Mian 28:19

Immee‐jee er‐y‐fa shen, as ynsee‐jee dy chooilley ashoon, as bashtee‐jee ad ayns ennym yn Ayr, as y Vac, as y Spyrryd Noo:

Noo Mian 4:8

Reesht hug y drogh‐spyrryd lesh eh seose er slieau feer ard, as yeeagh eh da ooiley reeriaghtyn y theihll as y ghloyr oc:

Noo Mark 16:15

As dooyrt eh roo, Immee‐jee magh trooid ooilley yn seihll, as jean‐jee yn sushtal y phreacheil da dy chooilley chretoor.

Noo Mark 16:20

As hie ad magh, as ren ad preacheil dy chooilley raad, y Chiarn gobbraghey mâroo; as jannoo yn goo breeoil liorish ny mirrillyn va goll lesh. Amen.

Jannoo 1:8

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

Jannoo 26:20

Agh hoilshee mee hoshiaght dauesyn v’ayns Damascus, as ec Jerusalem, as trooid ooilley ardjyn Yudea, as eisht da ny Ashoonee, ad dy ghoaill arrys as dy hyndaa gys Jee, as dy chur rish obbraghyn cooie son arrys.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Romanee 1:8

Hoshiaght, ta mee coyrt booise da my Yee trooid Yeesey Creest er nyn son eu ooilley, dy vel y credjue euish er ny imraa jeh trooid y slane seihll.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:6

Ta er roshtyn hiuish, myr te gys ooilley yn seihll, as gymmyrkey mess, myr te myrgeddin, ayndiuish, er‐dyn laa cheayll shiu jeh, as hoig shiu grayse Yee ayns firrinys.

1 Thessalonianee 1:8

Son veueish hie feiyr goo yn Chiarn magh, cha nee ny lomarcan ayns Macedonia as Achaia; agh myrgeddin ayns dy chooilley voayl ta’n credjue euish ayns Jee er ny skeayley dy lhean, myr shen nagh lhiass dooin cheet harrish.