Romanee 10:17 - Yn Conaant Noa 1810

¹⁷ Myr shen eisht, ta credjue cheet liorish clashtyn, as clashtyn liorish goo Yee.

Yn Vible Casherick 1775 1819

¹⁷ Myr shen eisht, ta credjue cheet liorish clashtyn, as clashtyn liorish goo Yee.

Romanee 10:17 ပူးပေါင်းရင်းမြစ်များ

Noo Mark 4:24

As dooyrt eh roo, Cur‐jee tastey da ny ta shiu dy chlashtyn: lesh y towse ta shiu towse, bee eh er ny howse diu: as diuish ta clashtyn, bee ny smoo er ny choyrt.

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Noo Luke 8:11

Nish shoh bun y choraa‐dorraghey: Yn rass goo Yee.

Noo Luke 8:21

Agh dreggyr eh, as dooyrt eh roo, My voir as my vraaraghyn ad shoh ta clashtyn goo Yee, as ta dy yannoo eh.

Noo Ean 1:37

As cheayll yn daa ynseydagh eh loayrt, as deiyr ad er Yeesey.

Romanee 1:16

Son cha vel nearey orrym jeh sushtal Chreest: son te pooar Yee gys saualtys, da dy chooilley unnane ta credjal, da’n Ew hoshiaght, as myrgeddin da’n Greek.

Romanee 10:14

Kys eisht nee ad geamagh ersyn, nagh vel ad er chredjal ayn? As kys nee ad credjal aynsyn, nagh vel ad er chlashtyn jeh? As kys nee ad clashtyn fegooish preachoor?

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

Galatianee 3:2

Shoh ny lomarcan baillym gynsaghey veue, Ren shiu yn Spyrryd y gheddyn liorish obbraghyn y leigh, ny liorish y clashtyn dy chredjue?

Galatianee 3:5

Eshyn er‐y‐fa shen ta shirveish yn Spyrryd erriuish, as ta gobbraghey mirrillyn nyn mast’ eu, vel eh dy yannoo eh liorish obbraghyn y leigh, ny liorish y clashtyn dy chredjue?

Colossianee 3:16

Lhig da goo Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn moyllee as spyrrydoil, goaill arrane lesh grayse ayns nyn greeaghyn gys y Chiarn.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er‐yn‐oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

Hebrewnee 4:2

Son dooinyn va’n sushtal er ny phreacheil chammah as dauesyn: agh cha row yn goo v’er ny phreacheil jeh vondeish erbee daue, tra nagh row credjue goll lesh ayndoosyn ren clashtyn eh.

1 Peddyr 1:23

Myr ta shiu ruggit reesht, cha nee jeh rass hed naardey, agh jeh rass nagh jed naardey, liorish goo Yee, ta bio as tannaghtyn son dy bragh.

Ashlish 1:9

Mish Ean, ta myrgeddin nyn mraar, as sheshey ayns seaghyn, as ayns reeriaght as surranse Yeesey Creest, va mee ayns yn ellan, ta enmyssit Patmos, er graih goo Yee, as son recortys Yeesey Creest.