Romanee 10:15 - Yn Conaant Noa 1810

¹⁵ As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!

Yn Vible Casherick 1775 1819

¹⁵ As kys nee ad preacheil, mannagh vel ad er nyn goyrt? Myr te scruit, Cre cha aalin ta ny cassyn ocsyn ta preacheil y sushtal dy hee, as cur lhieu naightyn gennal dy nheeghyn mie!

Romanee 10:15 ပူးပေါင်းရင်းမြစ်များ

Ephesianee 2:17

As haink eh, as ren eh preacheil shee diuish va foddey jeh, as dauesyn va er‐gerrey.

Ephesianee 6:15

As nyn gassyn coodit lesh arryltys son y sushtal dy hee.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beïgns dy phreacheil mastey ny Ashoonyn‐quaagh berchys Chreest nagh vod ve ronsit magh;

1 Peddyr 1:12

Dauesyn ve er ny hoilshaghey, nagh nee daue hene, agh dooinyn, ren ad shirveish ny reddyn ta nish er ny ockley magh lioroosyn ta er phreacheil y sushtal diuish, marish yn Spyrryd Noo er ny choyrt neose veih niau, ny reddyn cheddin ta ny ainleyn geearree baght y gheddyn jeu.

Noo Ean 20:21

Eisht dooyrt Yeesey roo reesht, Shee dy row hiu; myr ta my Ayr er my choyrt’s, myr shen ta mish coyrt shiuish.

Jannoo 22:21

As dooyrt eh rhym, Immee royd: son ver‐ym’s oo er chaghteraght foddey veih shoh gys ny Ashoonee.

Jannoo 13:26

Gheiney as vraaraghyn, cloan kynney Abraham, as quoi‐erbee ta nyn mast’ euish goaill aggle roish Jee, hiuish ta goo yn taualtys shoh er ny chioyrt.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Noo Luke 10:1

Ny lurg shoh, doardee yn Chiarn three‐feed as jeih elley, as hug eh ad magh jees as jees roish hene, gys dy chooilley ard‐valley as ynnyd, raad v’eh hene ry‐hoi cheet.

Noo Luke 8:1

As haink eh gy‐kione ny lurg shen, dy jagh eh trooid dy chooilley valley, mooar as beg, preacheil as soilshaghey sushtal gerjoilagh reeriaght Yee: as va’n daa ostyl yeig mârish:

Noo Luke 2:14

Gloyr dy row gys Jee ayns yn yrjid, as er y thalloo shee, aigney‐mie gys deiney.

Noo Luke 2:10

As dooyrt yn ainle roo, Ny bee aggle erriu: son cur‐my‐ner, ta mish coyrt lhiam hiu naightyn mie dy voggey mooar vees gys dy chooilley phobble.

Noo Mian 9:38

Guee‐jee shiuish, er‐y‐fa shen, er Chiarn y fouyr, eh dy chur magh labreeyn gys y fouyr echey.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Romanee 1:15

Shen‐y‐fa, gys rere my phooar, ta mee aarloo dy phreacheil yn sushtal diuish myrgeddin t’ec y Raue.

Romanee 15:20

As te er ve my yeearree jeean dy phreacheil y sushtal, cha nee raad va Creest hannah er ny enmys, son nagh jinnin troggal er undin dooinney elley: