Romanee 1:9 - Yn Conaant Noa 1810

⁹ Son Jee m’eanish, eh ta mee dy hirveish lesh my spyrryd ayns sushtal e Vac, dy vel mee dy kinjagh cooinaghtyn erriu ayns my phadjeryn,

Yn Vible Casherick 1775 1819

⁹ Son Jee m’eanish, eh ta mee dy hirveish lesh my spyrryd ayns sushtal e Vac, dy vel mee dy kinjagh cooinaghtyn erriu ayns my phadjeryn,

Romanee 1:9 ပူးပေါင်းရင်းမြစ်များ

Noo Mark 1:1

Toshiaght sushtal Yeesey Creest, Mac Yee;

Noo Luke 18:1

As loayr eh coraa‐dorraghey roo, dy lhisagh deiney kinjagh padjer y ghoaill, as gyn ad y ve lhiastey;

Jannoo 12:5

Va Peddyr er‐y‐fa shen er ny reayll ayns pryssoon; agh va padjer kinjagh er ny ghoaill gys Jee er e hon.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 24:14

Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 27:23

Son hass liorym’s noght ainle Yee, quoi s’lesh mee, as eh ta mee dy hirveish,

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee‐chraueeaght.

Romanee 9:1

Ta mee gra’n irriney ayns Creest, cha vel mee jannoo breg, my chooinsheanse myrgeddin gymmyrkey feanish lhiam ayns y Spyrryd Noo.

2 Corinthianee 1:23

Ny‐sodjey, ta mee goaill Jee son feanish er m’annym, er coontey dy ymmyrkey lhieu nagh daink mee foast gys Corinth.

2 Corinthianee 11:31

Ec Jee as Ayr nyn Jiarn Yeesey Creest, ta bannit son dy bragh, ta fys nagh vel mish jannoo breg.

Galatianee 1:20

Nish mychione ny reddyn ta mee dy scrieu hiu, cur‐jee my‐ner, fenish Yee, cha vel mee jannoo breg.

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

Philippianee 1:3

Ta mee cur booise da my Yee dy chooilley cheayrt ta mee dy imraa shiu,

Philippianee 1:4

(Dy kinjagh ayns ooilley my phadjeryn er nyn son eu ooilley, jannoo aghin lesh boggey)

Philippianee 2:22

Agh ta prowal er ny ve eu jehsyn, myr mac marish e ayr, dy vel eh er hirveish mârym’s ayns y sushtal.

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

1 Thessalonianee 1:2

Ta shin cur booise kinjagh gys Jee er nyn son eu ooilley, gimraa erriu ayns nyn badjeryn.

1 Thessalonianee 3:10

Oie as laa goaill padjer erskyn towse jeean dy akin yn eddin eu, as dy yannoo magh shen ny ta dy laccal ayns nyn gredjue?

1 Thessalonianee 5:17

Gow‐jee padjer dy kinjagh.

1 Timothy 2:7

Gys shoh va mee er my oardaghey ny phreachoor, as ostyl (ta mee loayrt yn irriney ayns Creest, as cha vel mee ginsh breg) fer‐ynsee ny Ashoonee ayns credjal as firrinys.

2 Timothy 1:3

Ta mee cur booise gys Jee, eh ta mee dy hirveish veih my henn‐ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa:

Philemon 1:4

Ta mee coyrt booise da my Yee, dy kinjagh gimraa ort ayns my phadjeryn,