Romanee 1:30 - Yn Conaant Noa 1810

³⁰ Cooylchasseydee, noidyn Yee, roonee, moyrnee, boggyssee, gientyn reddyn olk, mee‐viallee da ayraghyn as moiraghyn,

Yn Vible Casherick 1775 1819

³⁰ Cooyl-chasseydee, noidyn Yee, roonee, moyrnee, boggyssee, gientyn reddyn olk, mee-viallee da ayraghyn as moiraghyn,

Romanee 1:30 ပူးပေါင်းရင်းမြစ်များ

Noo Mian 15:4

Son hug Jee sarey, gra, Cur arrym da dty ayr as da dty voir: as, Eshyn ta gwee mollaght er ayr ny moir, lhig da ve currit dy baase.

Noo Mian 16:21

Veih yn traa shen magh ren Yeesey toshaight dy hoilshaghey da e ostyllyn, kys dy beign da goll seose gys Jerusalem, as goll fo mooraane surranse veih’n chanstyr, as ny ard‐saggyrtyn, as ny scrudeyryn, as dy beagh eh er ny choyrt gy‐baase, agh dy n’irragh eh reesht er y trass laa.

Noo Luke 21:16

As bee shiu er nyn mrah chammah liorish ayraghyn as moiraghyn, as braaraghyn as deiney mooinjerey, as caarjyn; as ver ad er paart eu ve er nyn goyrt gy‐baase.

Noo Ean 7:7

Cha vod y seihll dwoaie y chur diuish, agh dooys te cur dwoaie; er‐yn‐oyr dy vel mee gymmyrkey feanish jeh, dy vel ny obbraghyn echey olk.

Jannoo 5:36

Son cha voddey neayr’s dirree magh Theudas, boggyssagh jeh hene dy ve ny ard‐ghooinney ennagh, as huggeysyn v’er ny lhiantyn mysh kiare cheead dooinney: agh v’eshyn er ny varroo, as er whilleen as hast da haink scaa‐lhean as toyrt‐mow.

Romanee 2:17

Cur‐my‐ner, t’ou goaill ort dy ve dty Ew, as t’ou coyrt dty varrant gys y leigh, as boggyssagh ayns Jee;

Romanee 2:23

Uss ta boggyssagh ayns y leigh, vel oo liorish brishey’n leigh mee‐ooashlaghey Jee?

Romanee 3:27

Cre vel boggys eisht? te giarit magh. Liorish cre’n leigh? nee jeh obbraghyn? Cha nee: agh liorish y leigh dy chredjue.

2 Corinthianee 10:15

Cha nee boggyssagh jeh reddyn harrish nyn dowse, ta shen, jeh laboraght gheiney elley; agh treishteil, tra vees yn credjue euish er ny vishaghey, dy jean y towse ainyn roshtyn ny sodjey lieriuish dy gholl dy mooar er nyn doshiaght cordail rish y rule ainyn,

2 Corinthianee 12:20

Agh ta mee goaill aggle tra hig‐ym’s, nagh voym shiuish lheid as baillym, as beem’s er ny gheddyn lieriuish lheid as nagh bailliu: er‐aggle dy bee ny vud eu anvea, troo, jymmoose, streeu, cooyl‐chassid, tutleraght, mooaralys, irree‐magh:

2 Thessalonianee 2:4

Quoi ta soiaghey eh hene seose noi, as troggal eh hene erskyn ooilley ny ta enmyssit Jee, ny ta er ny ooashlaghey; myr shen dy vel eshyn myr Jee soie ayns chiamble Yee, goaill er hene dy ve Jee.

2 Timothy 3:2

Son bee ooilley er nyn son oc hene, sayntoilee, boggyssee, mooaralee, oltooanee, mee‐viallagh gys ayraghyn as moiraghyn, neu‐wooisal, mee‐chrauee,

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.

Jamys 3:5

Myr shen ta’n chengey ny olt beg, as boggyssagh reddyn mooarey. Cur‐my‐ner, cre’n lossey mooar ta drillin dy aile foaddey!

Jamys 4:16

Agh nish ta shiu goaill taitnys ayns y voggyssagh eu: ta ooilley lheid y voggyssagh peccoil.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys:

Jude 1:16

Ta’d shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.