Romanee 1:21 - Yn Conaant Noa 1810

²¹ Er‐yn‐oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Yn Vible Casherick 1775 1819

²¹ Er-yn-oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Romanee 1:21 ပူးပေါင်းရင်းမြစ်များ

Noo Ean 3:19

As shoh yn vriwnys, dy vel soilshey er jeet gys y theihll, as dy row deiney ny s’graihee er y dorraghys na er y toilshey, er‐y‐fa dy row nyn obbraghyn olk.

Jannoo 26:18

Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Romanee 1:19

Er‐yn‐oyr dy vel shen ny oddys ve er ny hoiggal mychione Jee, er ny hoilshaghey ayndoo; son ta Jee er hoilshaghey shen daue.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 11:10

Lhig da ny sooillyn oc ve er ny gholley, nagh jean ad fakin, as jean uss dy kinjagh yn dreeym oc y chrommey sheese.

Romanee 15:9

As dy voddagh ny Ashoonyn‐quaagh Jee y ghloyraghey son e vyghin; myr te scruit, Son yn oyr shoh ver‐yms moylley dhyt mastey ny Ashoonyn‐quaagh, as nee’m arrane y ghoaill gys dty ennym.

2 Timothy 3:2

Son bee ooilley er nyn son oc hene, sayntoilee, boggyssee, mooaralee, oltooanee, mee‐viallagh gys ayraghyn as moiraghyn, neu‐wooisal, mee‐chrauee,

1 Peddyr 1:18

Son wheesh as dy vel fys eu nagh row shiu er nyn gionnaghey lesh reddyn ta goll‐mow, myr argid as airh, veih ny cliaghtaghyn fardalagh v’er nyn livrey diu veih nyn ayraghyn;

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Ashlish 14:7

Gra lesh ard‐choraa, Gow‐jee aggle roish Jee, as cur‐jee gloyr da; son ta oor y vriwnys echey er jeet: as cur jee ooashley dasyn chroo niau as thalloo, as yn aarkey, as ny farraneyn ushtey.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.