Romanee 1:18 - Yn Conaant Noa 1810

¹⁸ Son ta jymmoose Yee er ny hoilshaghey veih niau noi dy chooilley vee‐chraueeaght, as neu‐ynrickys ayns neu‐ynrickys.

Yn Vible Casherick 1775 1819

¹⁸ Son ta jymmoose Yee er ny hoilshaghey veih niau noi dy chooilley vee-chraueeaght, as neu-ynrickys deiney, ta cummal yn ynrickys ayns neu-ynrickys.

Romanee 1:18 ပူးပေါင်းရင်းမြစ်များ

Romanee 1:19

Er‐yn‐oyr dy vel shen ny oddys ve er ny hoiggal mychione Jee, er ny hoilshaghey ayndoo; son ta Jee er hoilshaghey shen daue.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 1:32

Ga dy vel toiggal oc jeh briwnys Yee, (dy vel adsyn ta cur rish lheid ny reddyn shoh toilchin baase) cha vel ny lomarcan jannoo ny reddyn cheddin ad hene, agh ta taitnys oc ayndoosyn ta cur roo.

Romanee 2:3

As vel oo smooinaghtyn shoh, O ghooinney, ta briwnys adsyn ta jannoo lheid ny reddyn, as oo hene cur rish ny reddyn cheddin, dy scaap oo briwnys Yee?

Romanee 3:9

Cre eisht? vel shinyn ny share na adsyn? Cha vel er aght erbee: son ta shin roïe er phrowal dy vel chammah Ewnyn as Ashoonee, ooilley fo peccah;

Romanee 4:15

Son ta’n leigh gobbraghey jymmoose: son raad nagh vel leigh, cha vod eh ve er ny vrishey.

Romanee 5:6

Son choud as va shin foast annoon, ayns traa cooie duillee Creest baase son ny mee‐chrauee.

Romanee 5:9

Foddey smoo eisht, myr ta shin nish er nyn seyrey liorish e uill, bee mayd er nyn sauail voish jymmoose ny hrooidsyn.

Romanee 6:13

Chamoo livrey‐jee seose nyn oltyn myr greinyn dy neuchairys gys peccah: agh livrey‐jee shiu hene seose gys Jee, myr adsyn ta bio veih ny merriu; as nyn oltyn myr greinyn dy chairys gys Jee.

Ephesianee 5:6

Ny lhig da dooinney erbee shiu y volley lesh goan fardalagh: son kyndagh rish ny reddyn shoh ta corree Yee cheet er cloan y vee‐viallys.

Colossianee 3:6

Kydagh rish ny reddyn shoh ta jymmoose Yee cheet er y chloan dy vee‐viallys.

2 Thessalonianee 2:10

As lesh dy chooilley oalsaght dy neu‐ynrickys, ayndoosyn ta cherraghtyn; er‐yn‐oyr nagh ghow ad rish graih yn ynrickys, dy voddagh ad ve er nyn sauail.

2 Thessalonianee 2:6

As nish ta fys eu cre ta dy lhiettal eh dy ve er ny hoilshaghey ayns y traa echey hene.