Romanee 1:16 - Yn Conaant Noa 1810

¹⁶ Son cha vel nearey orrym jeh sushtal Chreest: son te pooar Yee gys saualtys, da dy chooilley unnane ta credjal, da’n Ew hoshiaght, as myrgeddin da’n Greek.

Yn Vible Casherick 1775 1819

¹⁶ Son cha vel nearey orrym jeh sushtal Chreest: son te pooar Yee gys saualtys, da dy chooilley unnane ta credjal, da’n Ew hoshiaght, as myrgeddin da’n Greek.

Romanee 1:16 ပူးပေါင်းရင်းမြစ်များ

Noo Mark 8:38

Quoi‐erbee er‐y‐fa shen ghoys nearey roym’s, as roish my ghoan, ayns y cheeloghe foalsey as peccoil shoh, roishyn myrgeddin ghoys Mac y dooinney nearey, tra hig eh ayns gloyr e Ayrey, as ny ainleyn casherick mârish.

Noo Luke 9:26

Son quoi‐erbee ghoys nearey jeem’s, as jeh my ghoan, jehsyn ghoys yn Mac dooinney nearrey tra hig eh ayns e ghloyr hene, as gloyr e Ayrey, as ny ainleyn casherick.

Noo Ean 7:35

Eisht dooyrt ny Hewnyn nyn mast’ oc hene, C’raad hed eh, nagh vow mayd eh? jed eh gys ny Hewnyn t’er nyn skeayley mastey ny Ashoonee, as adsyn y ynsaghey?

Jannoo 3:26

Erreish da Jee v’er hroggal seose e vac Yeesey, hug eh hiuish eh hoshiaght dy nyn mannaghey liorish chyndaa dy chooilley unnane eu veih e vee‐chraueeaght.

Romanee 10:17

Myr shen eisht, ta credjue cheet liorish clashtyn, as clashtyn liorish goo Yee.

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

Romanee 15:29

As ta mee shickyr tra higym hiu, dy jig‐ym ayns y slane towse jeh bannaght sushtal Chreest.

Romanee 2:9

Seaghyn as angaish er dy chooilley annym ta gobbraghey olk, er yn Ew hoshiaght, as myrgeddin er yn Ashoonagh.

Romanee 4:11

As hooar eh yn cowrey dy ghiarey‐chymmylt, myr seal jeh cairys y chredjue va echey roish hie giarey‐chymmylt er; dy voddagh eh ve yn ayr ocsyn ooilley ta credjal, ga nagh vel ad er nyn ghiarey‐chymmylt; dy voddagh cairys ve er ny choyrt gys y lieh ocsyn myrgeddin:

1 Corinthianee 15:2

Liorish ta shiu myrgeddin er nyn sauail, my ta shiu freayll ayns cooinaghtyn shen ny ren mee y phreacheil diu, mannagh vel shiu er chredjal ayns fardail.

1 Corinthianee 2:2

Son va mee kiarit gyn dy hoiggal nhee erbee ny mast’ eu, agh Yeesey Creest, as eshyn er ny chrossey.

1 Corinthianee 2:4

As va my ghlare as my phreacheil, cha nee lesh goan vrynneragh dy chreenaght dooinney, agh ayns bree yn Spyrryd, as pooar:

1 Corinthianee 9:12

Myr ta fir‐ynsee elley er ghoaill y phooar shoh harriu, nagh vel eh ny s’cooie dooinyn? Ny‐yeih, cha vel shin er n’yannoo ymmyd jeh’n phooar shoh; agh ta shin er hurranse dy chooilley chreoghys, er‐aggle dy jinnagh shin sushtal Chreest y lhiettal.

1 Corinthianee 9:18

Cre ta eisht my leagh? dy feer tra ta mee preacheil y sushtal, dy jinnin’s er sushtal Chreest dy ve fegooish cost, nagh goym yn slane vondeish jeh my phooar ’sy tushtal.

2 Corinthianee 2:12

Ny‐sodjey, tra haink mee gys Troas dy phreacheil sushtal Chreest, as dy row dorrys er ny osley dou ayns y Chiarn.

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

2 Corinthianee 9:13

Tra liorish cowrey’n ghiastyllys shoh t’ad gloyraghey Jee son y viallys foshlit euish gys sushtal Chreest, as son y toyrtys feoilt eu daue hene, as da dy chooilley ghooinney)

Galatianee 1:7

Elley cha vel ayn; agh ta paart ta dy voirey shiu, as shirrey dy yannoo caghlaa ayns sushtal Chreest.

1 Thessalonianee 2:13

Er y choontey shoh myrgeddin, ta shin coyrt booise kinjagh gys Jee, er‐yn‐oyr tra ghow shiu rish goo Yee cheayll shiu voïnyn, ghow shiu eh cha nee myr goo deiney, agh (myr te ayns firrinys) goo Yee, ta dy breeoil gobbraghey ayndiuish ta credjal.

1 Timothy 1:11

Cordail rish sushtal gloyroil yn Jee bannit, va er ny choyrt gys my churrym.

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

2 Timothy 1:16

Dy der y Chiarn myghin da lught‐thie Onesiphorus; son ren eh dy mennick m’y ooraghey, as cha row nearey er jeh my gheuley.

2 Timothy 1:8

Ny bee nearey ort er‐y‐fa shen jeh recortys nyn Jiarn, ny jeem’s e phryssoonagh: agh gow uss ayrn mârym’s ayns seaghyn y tushtal, cordail rish pooar Yee;

Hebrewnee 4:12

Son ta goo Yee bioal, as breeoil, as ny s’geyrey na cliwe erbee dy ghaa foyr, roie trooid gys eer rheynn veih‐my‐cheilley yn annym as y spyrryd, as ny juntyn as y smuirr, as ronsaghey magh smooinaghtyn as kiarailyn y chree.

1 Peddyr 4:16

Ny‐yeih my ta dooinney erbee surranse myr Creestee, ny lhig da nearey ve er; agh lhig da Jee y ghloyraghey er y choontey shoh.