Romanee 1:14 - Yn Conaant Noa 1810

¹⁴ Ta mee fo kiangley chammah da ny Greekyn, as da ny Barbarianee, chammah da’n (vooinjer) ynsit, as da’n neu‐ynsit.

Yn Vible Casherick 1775 1819

¹⁴ Ta mee fo kiangley chammah da ny Greekyn, as da ny Barbarianee, chammah da’n (vooinjer) ynsit, as da’n neu-ynsit.

Romanee 1:14 ပူးပေါင်းရင်းမြစ်များ

Noo Mian 11:25

Ec y traa shen dreggyr Yeesey as dooyrt eh, Ta mee cur booise dhyt, O Ayr, Hiarn niau as thalloo, er‐yn oyr dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn.

Noo Luke 10:21

Ayns yn oor cheddin ghow Yeesey boggey ayns e spyrryd, as dooyrt eh, Ta mee cur booise dhyt, O Ayr, Hiarn niau as thalloo, dy vel oo er cheiltyn ny reddyn shoh vouesyn ta creeney as tushtagh, as dy vel oo er hoilshaghey ad da oikanyn: shen dy jarroo myr te, Ayr, son shen myr ve mie ayns dty hilley’s.

Jannoo 22:21

As dooyrt eh rhym, Immee royd: son ver‐ym’s oo er chaghteraght foddey veih shoh gys ny Ashoonee.

Jannoo 28:2

As va ny ellannee feer dooie rooin; son doad ad aile, as ghow ad shin ooilley stiagh kyndagh rish y fliaghey v’ayn, as kyndagh rish y feayraght.

Jannoo 28:4

As tra honnick ny ellannee yn cretoor pyshoonagh, croghey rish e laue, dooyrt ad nyn mast’ oc hene, Gyn dooyt ta’n dooinney shoh ny ghunver, cha lhig kerraghey Yee da ve bio, ga t’eh er scapail y keayn.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Romanee 1:22

Goaill orroo hene dy ve creeney, haink ad dy ve nyn ommydanyn:

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 12:16

Bee‐jee jeh un aigney yn derrey yeh gys y jeh elley. Ny soie‐jee nyn aigney er nheeghyn ard, agh croym‐jee gys deiney ta injil ayns stayd. Ny bee‐jee creeney ayns ny smooinaghtyn eu hene.

Romanee 13:8

Ny bee‐jee fo lhiastynys son nhee erbee da dooinney erbee, agh dy choyrt graih yn derrey yeh da’n jeh elley: son t’eshyn ta graihagh er fer elley, er lhieeney yn leigh.

Romanee 16:19

Son ta’n viallys euish er ny imraa mastey dy chooilley ghooinney. Ta mee er‐y‐fa shen goaill boggey er y lieh eu: agh ny‐yeih baillym shiu ve tastagh gys shen ny ta mie, as ôney mychione olk.

Romanee 8:12

Shen‐y‐fa, vraaraghyn, ta shin jatteryn, cha nee da’n eill, dy veaghey lurg yn eill:

1 Corinthianee 14:11

Shen‐y‐fa, mannagh vel mee toiggal yn ghlare t’er ny loayrt rhym, bee’m dasyn ta loayrt rhym myr barbarian: as bee eshyn ta loayrt rhym myr joarree dooys.

1 Corinthianee 14:16

Er‐nonney tra t’ou bannaghey lesh y spyrryd, kys nee eshyn nagh vel dy dty hoiggal, gra Amen tra t’ou coyrt booise, fakin nagh vel eh toiggal cre t’ou dy ghra?

1 Corinthianee 2:13

Ny reddyn cheddin ta shinyn neesht soilshaghey, cha nee ayns ny goan ta creenaght dooinney dy ynsaghey, agh shen ny ta’n Spyrryd Noo dy choyrt roïn; soylaghey reddyn spyrrydoil rish reddyn spyrrydoil.

1 Corinthianee 3:18

Ny lhig da dooinney erbee eh hene y volley: My ta dooinney erbee ny vud eu goaill er hene dy ve creeney ’sy theihll shoh, lhig da ve ny ommydan, dy voh eh ve creeney.

2 Corinthianee 10:12

Son cha lhoys dooin jannoo shin hene jeh’n earroo ocsyn, ny soylaghey shin hene gys paart ta dy voylley ad hene: agh adsyn towse ad hene lioroo hene, as soylaghey ad hene roo hene, cha vel ad creeney.

2 Corinthianee 11:19

Son ta shiu gymmyrkey lesh ommydanyn dy aggindagh, fakin dy vel shiuish shiu hene creeney.

Colossianee 3:11

Mârishyn cha vel edyr Greek ny Hew, giarey‐chymmylt ny an‐ghiarey‐chymmylt, Barbarian, Scythian, sharvaant ny seyr: agh ta Creest ooilley, as ayns ooilley.

2 Timothy 2:10

Shen‐y‐fa ta mee surranse dy chooilley nhee er graih yn chloan reiht, dy vod adsyn neesht yn saualtys t’ayns Creest Yeesey y gheddyn, marish gloyr dy bragh beayn.

Titus 3:3

Son va shin hene myrgeddin keayrt dy row mee‐hushtagh, mee‐viallagh, ayns marranys fo reill ymmodee yeearreeyn as eunyssyn peccoil, beaghey ayns goanlys as roon, dwoaiagh, as coyrt dwoaie yn derrey yeh da’n jeh elley.