Romanee 1:13 - Yn Conaant Noa 1810

¹³ Nish cha baill‐ym eh ve gyn‐yss diu, vraaraghyn, dy row mee dy mennick kiarail cheet hiu (agh choud shoh va mee er my lhiettal) dy voddagh mess ennagh ve aym ny vud euish myrgeddin, dy jarroo myr mastey Ashoonee elley.

Yn Vible Casherick 1775 1819

¹³ Nish cha baillym eh ve gyn-yss diu, vraaraghyn, dy row mee dy mennick kiarail cheet hiu (agh choud shoh va mee er my lhiettal) dy voddagh mess ennagh ve aym ny-vud euish myrgeddin, dy jarroo myr mastey Ashoonee elley.

Romanee 1:13 ပူးပေါင်းရင်းမြစ်များ

Noo Ean 12:24

Dy firrinagh firrinagh ta mee gra riu, Mannagh vel y grine curnaght tuittym ayns y thalloo, as goll eig, te cummal ny un ghrine kinjagh: agh my te goll eig: te gymmyrkey magh mooarane mess.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre‐erbee nee shiu y hirrey er yn Ayr ayns yn ennym aym’s, dy vod eh y chur diu eh.

Noo Ean 4:36

As ta’n beaynee geddyn faill, as chaglym mess gys y vea veayn: dy vod chammah yn correyder as y beaynee boggey y ghoaill cooidjagh.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Jannoo 15:12

Eisht va ooilley yn cheshaght nyn dhost, as deaisht ad rish Barnabas as Paul, soilshaghey cre ny mirrillyn as yindyssyn va Jee er n’obbraghey mastey ny Ashoonee lioroosyn.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 21:19

As tra v’eh er vannaghey daue, hoilshee eh daue ayns coorse ny reddyn va Jee er n’obbraghey mastey ny Ashoonee liorish y chirveish echeysyn.

Jannoo 28:14

Ayns shen hooar shin braaraghyn, as yeearree ad orrin dy uirriaght mâroo shiaght laa: as shen myr hie shin son y Raue.

Romanee 1:12

Ta shen, dy voddym’s v’er my gherjaghey cooidjagh mêriu, liorish yn chredjue cadjin euish chammah as aym’s.

Romanee 11:25

Son cha baillym, vraaraghyn, dy beagh shiu mee‐hushtagh jeh’n folliaght shoh, (er‐aggle dy beagh shiu creeney ayns ny smooinaghtyn ard eu hene) dy vel dellid er daghyrt da Israel ayns ayrn, derrey hig slane corp ny Hashoonee stiagh.

Romanee 7:1

Nagh vel shiu toiggal, vraaraghyn, son (ta mee loayrt roosyn ta toiggal y leigh) kys dy vel pooar ec y leigh harrish dooinney, choud as t’eh bio?

1 Corinthianee 1:10

Nish ta mee guee erriu, vraaraghyn, liorish ennym nyn Jiarn Yeesey Creest, dy bee shiu ooilley er yn un ockle, as nagh bee streeuaghyn ny mast’ eu; agh dy bee shiu sniemmit cooidjagh ’syn un aigney, as ’syn un smooinaght.

1 Corinthianee 10:1

Ny sodjey, vraaraghyn, cha baillym shiu ve neu‐hushtagh, kys dy row ooilley ny ayraghyn ain fo’n vodjal, as hie ad‐ooilley trooid yn aarkey;

1 Corinthianee 12:1

Nish mychione giootyn spyrrydoil, vraaraghyn, cha baillym shiu ve mee‐hushtagh.

1 Corinthianee 14:20

Vraaraghyn, ny bee‐jee nyn gloan ayns tushtey: ny‐yeih ayns olkys bee‐jee myr cloan, agh ayns toiggal bee‐jee deiney.

1 Corinthianee 14:26

Cre te eisht, vraaraghyn? tra ta shiu cheet cooidjagh, dy vel ec dagh unnane eu er‐lheh arrane spyrrydoil, dy vel echey ynsagh, dy vel echey glare yoarree, dy vel echey ashlish, dy vel echey dy chur bun er y ghoo. Lhig da dy chooilley nhee ve jeant gys ynsagh yn agglish.

1 Corinthianee 9:2

Mannagh vel mee my ostyl da feallagh elley, foast gyn dooyt ta mee diuish: son shiuish cowrey m’ostyllys ayns y Chiarn.

2 Corinthianee 1:8

Son cha baill‐lhien, vraaraghyn, dy beagh eh gyn‐yss diu cre’n seaghyn haink orrin ayns Asia, dy row shin laadit ass towse erskyn nyn niart, ayns wheesh as nagh row veg y jerkal ain dy heet jeh lesh nyn mioys:

2 Corinthianee 2:14

Nish booise dy row gys Jee, ta dy kinjagh coyrt dooin oyr yn varriaght ayns Creest, as ta skeayley soar millish yn tushtey jehsyn liorin ayns dy chooilley ynnyd.

Galatianee 3:15

My vraaraghyn, ta mee loayrt lurg cliaghtey deiney; My te agh conaant eddyr deiney, ny‐yeih, my te confirmit, cha vel dooinney erbee dy vrishey, ny dy choyrt huggey.

Galatianee 6:18

Vraaraghyn, dy row grayse nyn Jiarn Yeesey Creest marish y spyrryd eu. Amen.

Philippianee 1:22

Agh dy ve bio ’syn eill, shoh mess my laboraght: agh foast cre dy reih, cha s’aym.

Philippianee 4:17

Cha nee dy vel mee shirrey gioot: agh ta mee geearree mess oddys bishaghey gys y vondeish euish.

Colossianee 1:10

Dy vod shiuish gimmeeaght ayns aght cooie dy wooiys y Chiarn ayns dy chooilley nhee, messoil ayns dagh obbyr vie, as bishaghey ayns tushtey Yee;

Colossianee 1:6

Ta er roshtyn hiuish, myr te gys ooilley yn seihll, as gymmyrkey mess, myr te myrgeddin, ayndiuish, er‐dyn laa cheayll shiu jeh, as hoig shiu grayse Yee ayns firrinys.

1 Thessalonianee 2:18

Shen‐y‐fa veagh shin er jeet hiu (dy jarroo mish Paul) keayrt as keayrt: agh ren Satan nyn lhiettal.

1 Thessalonianee 4:13

Agh cha baillym shiu ve mee‐hushtagh, vraaraghyn, mychione ocsyn ta nyn gadley, nagh bee shiu trimshagh, dy jarroo myr feallagh elley ta fegooish treishteil.

2 Thessalonianee 2:7

Son ta’n folliaght dy vee‐chraueeaght hannah gobbraghey; agh eshyn ta nish lhiettal, [nee eh lhiettal] derrey vees eh goit ass y raad.

2 Timothy 4:17

Ny‐yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.