Romanee 1:10 - Yn Conaant Noa 1810

¹⁰ Geearree (my she aigney Yee eh dy choyrt dou fey‐yerrey jurnah sauchey) dy heet hiu.

Yn Vible Casherick 1775 1819

¹⁰ Geearree (my she aigney Yee eh dy choyrt dou fy-yerrey jurnah sauchey) dy heet hiu.

Romanee 1:10 ပူးပေါင်းရင်းမြစ်များ

Jannoo 18:21

Agh daag eh bannaght oc, gra, Shegin dooys er dy chooilley chor yn feailley shoh ta er‐gerrey y reayll ec Jerusalem: agh higym back reesht hiuish, lesh cooney Yee. As hiauill eh veih Ephesus.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 21:14

As tra nagh beagh eh coyrlit, scuirr shin, gra, Aigney yn Chiarn dy row jeant.

Romanee 15:29

As ta mee shickyr tra higym hiu, dy jig‐ym ayns y slane towse jeh bannaght sushtal Chreest.

1 Corinthianee 1:1

Paul eït dy ve Ostyl Yeesey Creest, liorish aigney Yee, as Sosthenes nyn mraar.

1 Corinthianee 4:19

Agh hig‐ym hiu dy gerrit, lesh kied y Chiarn, as toig‐ym eisht, cha nee yn ghlare ocsyn ta mooaralagh, agh y phooar.

Philippianee 4:6

Ny bee‐jee imneagh son nhee erbee: agh ayns dy chooilley nhee liorish padjer as accan lesh toyrt‐booise, lhig da ny aghinyn eu ve soilshit da Jee.

1 Thessalonianee 2:18

Shen‐y‐fa veagh shin er jeet hiu (dy jarroo mish Paul) keayrt as keayrt: agh ren Satan nyn lhiettal.

Philemon 1:22

Agh marish shoh kiare aaght er my hon: son ta mee treishteil liorish ny padjeryn eu, trooid foayr Yee, dy jig‐ym hiu reesht.

Hebrewnee 13:19

Agh ta mee guee erriu ny s’jeean dy yannoo shoh, dy voddym shiu y akin ny sleaïe.

Jamys 4:15

Son shoh lhisagh shiu gra, My saillish y Chiarn, as bea sodjey ’ve ain, nee mayd shoh ny shid.