Philippianee 4:9 - Yn Conaant Noa 1810

⁹ Ny reddyn shen ta shiu chammah er n’ynsaghey as er n’ghoaill roo, as er chlashtyn, as er vakin aynym’s, jean‐jee ad y chooilleeney: as bee Jee yn chee mêriu.

Yn Vible Casherick 1775 1819

⁹ Ny reddyn shen ta shiu chammah er n’ynsaghey as er n’ghoaill roo, as er chlashtyn, as er vakin aynym’s, jean-jee ad y chooilleeney: as bee Jee yn chee mêriu.

Philippianee 4:9 ပူးပေါင်းရင်းမြစ်များ

Noo Mian 1:23

Cur‐my‐ner nee moidyn gientyn, as ver ee mac son y theihll, as nee ad genmys eh Emmanuel, ta shen dy ghra, Jee mârin.)

Noo Mian 28:20

Gynsaghey daue dy reayll dy chooilley nhee cre‐erbee ta mish er chur ayns sarey diu: as cur‐my‐ner, ta mish mêriu kinjagh, eer gys jerrey yn theihll. Amen.

Noo Mian 7:21

Cha nee dy chooilley unnane jir rhym’s, Hiarn, Hiarn, hed stiagh er reeriaght niau: agh eshyn ta jannoo aigney my Ayrey t’ayns niau.

Noo Luke 6:46

As cre’n‐fa ta shiu dy my enmys, Hiarn, Hiarn, fegooish jannoo ny reddyn ta mee dy ghra?

Noo Luke 8:21

Agh dreggyr eh, as dooyrt eh roo, My voir as my vraaraghyn ad shoh ta clashtyn goo Yee, as ta dy yannoo eh.

Noo Ean 13:17

My ta fys eu er ny reddyn shoh, s’mayrnrey vees shiu my nee shiu ad y yannoo.

Noo Ean 15:14

She my chaarjyn shiuish, my nee shiu ny ta mish dy harey diu.

Noo Ean 2:5

Dooyrt e voir rish y vooinjer, Jean‐jee shiuish cre‐erbee jir eh riu.

Jannoo 9:6

As v’eh er‐creau as fo atchim, as dooyrt eh, Hiarn, cre bailt mee dy yannoo? As dooyrt y Chiarn rish, Irree, as gow gys yn ard‐valley, as bee eh inshit dhyt cre ta ort dy yannoo.

Romanee 15:33

Nish dy row yn Jee dy hee mêriu ooilley. Amen.

Romanee 16:20

As nee’n Jee dy hee dy gerrit Noid‐ny‐hanmey y vroo fo nyn gassyn. Grayse nyn Jiarn Yeesey Creest dy row mêriu. Amen.

1 Corinthianee 10:31

Shen‐y‐fa edyr shiu ve gee ny giu, ny cre‐erbee ta shiu dy yannoo, jean‐jee ooilley gys gloyr Yee.

1 Corinthianee 14:33

Son cha vel Jee ny Yee dy vee‐reilltys, agh dy hee, myr ayns ooilley kialteenyn ny nooghyn.

1 Corinthianee 4:16

Shen‐y‐fa ta mee guee erriu, eiyr‐jee orrym’s.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

Philippianee 3:17

Vraaraghyn, eiyr‐jee ry‐cheilley orrym’s, as cur‐jee tastey dauesyn ta gimmeeaght myr shen, myr ta shinyn eu son sampleyr.

Philippianee 4:7

As nee shee Yee ta erskyn dy chooilley hushtey ny creeaghyn as ny aignaghyn eu y reayll trooid Creest Yeesey.

1 Thessalonianee 1:6

As haink shiu dy ve eiyrtyssee orrin, as er y Chiarn, myr va shiu er ghoaill rish y goo ayns moorane seaghyn, lesh boggey yn Spyrryd Noo:

1 Thessalonianee 2:14

Son haink shiuish vraaraghyn, dy ve eiyrtyssee er kialteenyn Yee, ta ayns Judea ayns Creest Yeesey: son ta shiuish neesht er hurranse ny reddyn cheddin liorish ny deiney‐cheerey eu hene, dy jarroo myr t’adsyn liorish ny Hewnyn:

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

2 Thessalonianee 3:4

As ta treishteil ain ayns y Chiarn mychione eu, dy vel shiu, as dy jean shiu, cooilleeney ny reddyn ta shin coyrt ayns currym diu.

2 Timothy 4:22

Dy row yn Chiarn Yeesey Creest marish dty spyrryd. Grayse dy row mêriu. Amen.

Jamys 1:22

Agh bee‐jee shiuish jeantee jeh’n goo, as cha nee ny lomarcan clashtyn rish, molley shiu hene.

2 Peddyr 1:10

Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

1 Ean 3:22

As cre‐erbee ta shin geearree, shen ta shin geddyn veihsyn, er‐y‐fa dy vel shin freayll ny annaghyn echey, as jannoo ny reddyn shen ta booisal ayns e hilley.