Philippianee 4:8 - Yn Conaant Noa 1810

⁸ Ayns focklyn giarey, my chaarjyn, cre‐erbee ny reddyn ta firrinagh, cre‐erbee ny reddyn ta ooasle, cre‐erbee ny reddyn ta cairagh, cre‐erbee ny reddyn ta glen, cre‐erbee ny reddyn ta graihoil, cre‐erbee ny reddyn ta jeh goo mie; my ta foays erbee, as my ta moylley erbee, smooinee‐jee er ny reddyn shoh.

Yn Vible Casherick 1775 1819

⁸ Ayns focklyn giarey, my chaarjyn, cre-erbee ny reddyn ta firrinagh, cre-erbee ny reddyn ta ooasle, cre-erbee ny reddyn ta cairagh, cre-erbee ny reddyn ta glen, cre-erbee ny reddyn ta graihoil, cre-erbee ny reddyn ta jeh goo mie; my ta foays erbee, as my ta moylley erbee, smooinee-jee er ny reddyn shoh.

Philippianee 4:8 ပူးပေါင်းရင်းမြစ်များ

Noo Mian 22:16

As hug ad magh huggey shiartanse jeusyn v’ad hene er n’ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee ’syn ynrickys, chamoo t’ou ayns aggle roish dooinney erbee: son cha vel oo soiaghey jeh persoon deiney.

Noo Mark 6:20

Son va Herod ayns ammys Ean, toiggal dy row eh ny ghooinney cairagh as crauee, as hug eh geill da, as er y choyrle echey v’eh er n’yannoo ymmodee reddyn, as deaisht eh rish dy arryltagh.

Noo Luke 16:15

As dooyrt eh roo, Shiuish yn vooinjer ta dy heyrey shiu hene kiongoyrt rish deiney: agh ta fys ec Jee er ny creeaghyn eu: son ta shen ta dy mooar soit jeh mastey deiney, feohdoil ayns shilley Yee.

Noo Luke 2:25

As cur‐my‐ner va dooinney ayns Jerusalem va enmyssit Simeon; as va’n dooinney cheddin cairagh as crauee, farkiaght son gerjagh Israel: as va’n Spyrryd Noo ersyn.

Noo Luke 23:50

As cur‐my‐ner va dooinney va enmyssit Joseph, va ny er‐coyrlee, as ny ghooinney mie as cairagh:

Noo Ean 7:18

Eshyn ta loayrt jeh hene, t’eh shirrey e ooashley hene: agh eshyn ta shirrey yn ooashley echeysyn t’er choyrt eh, t’eh shen firrinagh, as cha vel neu‐chairys erbee ayn.

Jannoo 10:22

As dooyrt adsyn Cornelius yn centurion, dooinney cairagh, as beaghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Jannoo 22:12

As haink hym fer dy row enmyssit Ananias, dooinney crauee cordail rish y leigh, echey va goo mie veih ooilley ny Hewnyn va cummal ayns shen,

Jannoo 6:3

Shen‐y‐fa, vraaraghyn, jeeagh‐jee magh ny mast’ eu hene, son shiaght deiney dy ghoo mie, lane jeh’n Spyrryd Noo as jeh creenaght, dooinyn dy choyrt yn currym shoh orroo.

Romanee 13:13

Lhig dooin gimmeeaght dy onneragh myr ayns y laa; cha nee ayns rouanys as meshtyrys, cha nee ayns cloie as reaid, cha nee ayns streeu as troo:

Romanee 13:3

Son cha vel fir‐reill oyr aggle da obbraghyn mie, agh da drogh obbraghyn. Nailt eisht ve gyn aggle jeh’n phooar? jean shen ta mie, as yiow moylley er y hon:

Romanee 14:18

Son t’eshyn ta shirveish Creest ayns ny reddyn shoh, ayns foayr rish Jee, as jeh goo mie mastey deiney.

Romanee 2:29

Agh t’eshyn ny Ew, ta fer er cheu‐sthie: as ta’n giarey‐chymmylt [firrinagh shen] jeh’n chree, ayns y spyrryd, as cha nee ayns y letter, yn moylley echey cha vel veih deiney, agh veih Jee.

1 Corinthianee 4:5

Shen‐y‐fa ny jean‐jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 13:7

Nish yeearree‐ym er Jee‐nagh jean shiu veg yn olk; cha nee dy hoilshaghey yn phrowal shoh, agh dy jinnagh shiu shen ny ta mie, ga dy beagh shinyn myr dy beagh eh fegooish yn phrowal shoh.

2 Corinthianee 6:8

Liorish ooashley as mee‐ooashley, liorish drogh‐ghoo as goo mie; myr molteyryn, as ny‐yeih firrinagh;

2 Corinthianee 8:18

As ta shin er choyrt mârish yn braar, ta’n moylley echey ayns y sushtal, mastey ooilley ny kialteenyn:

2 Corinthianee 8:21

Kiarail ro‐laue reddyn onneragh, cha nee ny lomarcan ayns shilley’n Chiarn, agh myrgeddin ayns shilley gheiney.

Galatianee 5:22

Agh ta mess y Spyrryd, graih, boggey, shee, surranse‐foddey, ymmyrkey meigh, mieys, firrinys,

Ephesianee 4:25

Shen‐y‐fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Ephesianee 5:9

(Son ta mess y Spyrryd shassoo ayns dy chooilley vieys, as cairys, as firrinys),

Ephesianee 6:14

Shass‐jee er‐y‐fa shen lesh nyn meeghyn kianlt mygeayrt lesh yn irriney, as erriu yn breast‐plate dy chairys;

Philippianee 3:1

Ny sodjey, my vraaraghyn, gow‐jee boggey ayns y Chiarn. Dy scrieu ny reddyn cheddin hiuish, cha vel eh deinagh dooys, agh diuish te vondeishagh.

Colossianee 4:5

Jean‐jee gymmyrkey shiu hene dy tastagh ny vud ocsyn ta mooie, jannoo yn chooid smoo jeh’n traa.

1 Thessalonianee 4:12

Dy jean shiu gymmyrkey shiu‐hene dy onneragh hucsyn ta cheu‐mooie, as nagh bee shiu feme nhee erbee.

1 Timothy 2:2

Son reeaghyn, as son ocsyn ooilley ta ayns ard‐reill; dy vod mayd leeideil bea feagh as sheeoil ayns dy chooilley chraueeaght as ynrickys.

1 Timothy 3:11

Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

1 Timothy 3:4

Dooinney ta gymmyrkey reill mie ayns e hie hene, as e chloan fo smaght lesh slane sheeltys;

1 Timothy 4:12

Ny lhig da dooinney erbee beg y hoiaghey jeh dty aegid, agh bee dty hampleyr dauesyn ta credjal, ayns goo, ayns ymmykey‐bea, ayns graih, ayns spyrryd, ayns credjue, ayns glennid.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

1 Timothy 5:2

Ny mraane shinney myr moiraghyn, ny [mraane] saa myr shayraghyn, lesh dy chooilley ghlennid.

Titus 1:8

Agh arryltagh dy choyrt oltaghey‐bea, carrey da deiney mie, soccaragh, cairagh, crauee, sheelt;

Titus 2:14

Hug eh hene er nyn son, dy voddagh eh shin y eaysley veih dy chooilley vee‐chraueeaght, as casherickey da hene pobble reiht, jeean ayns obbraghyn mie.

Titus 2:2

Dy bee ny shenn gheiney fudagh, soccaragh, sheelt, fondagh ’sy chredjue, ayns giastyllys, ayns meenid:

Titus 2:7

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

Titus 3:14

As lhig d’an vooinjer ainyn myrgeddin gynsaghey dy choyrt rish obbraghyn mie son ymmydyn ymmyrchagh, nagh bee ad neu‐vessoil.

Hebrewnee 11:2

Son liorish ren ny shenn‐ayryn cosney goo mie.

Hebrewnee 13:18

Guee‐jee er nyn son: son ta shin treishteil dy vel cooinsheanse vie ain, ayns dy chooilley nhee shirrey dy veaghey dy onneragh.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane‐treoghe ayns nyn seaghyn, as dy reayll eh hene glen veih broïd y theihll.

Jamys 3:17

Agh y chreenaght ta veih’n yrjey t’ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu‐chorrymid, as fegooish chraueeaght‐oalsey.

1 Peddyr 1:22

Fakin dy vel shiu er chasherickey nyn anmeenyn ayns cur biallys da’n irriney trooid y Spyrryd, gys graih firrinagh jeh ny braaraghyn; jeeagh dy bee‐jee dy jeean graihagh yn derrey yeh er y jeh elley lesh cree glen:

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

1 Peddyr 4:8

As erskyn dy chooilley nhee lhig da graih jeean ve eu dy cheilley: son nee graih coodaghey ymmodee peccaghyn.

2 Peddyr 3:1

Yn nah screeuyn shoh, chaarjyn graihagh, ta mee nish scrieu hiuish; ayndoo ny neesht ta mee greinnaghey ny aignaghyn ynrick eu gys cooinaghtyn:

1 Ean 3:18

My chloan veggey, ny lhig dooin graih y choyrt ayns raa, ny ayns glare; agh ayns jannoo as ayns firrinys.

1 Ean 3:3

As ta dy chooilley ghooinney ta’n treishteil shoh echey ayn hene, glenney eh hene, dy jarroo myr t’eshyn glen.

1 Ean 4:1

Chaarjyn, ny cred‐jee dy chooilley spyrryd, agh prow‐jee ny spyrrydyn vel ad veih Jee: er‐yn‐oyr dy vel ymmodee phadeyryn foalsey er n’gholl magh ’sy theihll.