Philippianee 4:5 - Yn Conaant Noa 1810

⁵ Lhig da’n ymmyrkey meen eu ve cronnal da dy chooilley ghooinney. Ta’n Chiarn er‐gerrey.

Yn Vible Casherick 1775 1819

⁵ Lhig da’n ymmyrkey meen eu ve cronnal da dy chooilley ghooinney. Ta’n Chiarn er-gerrey.

Philippianee 4:5 ပူးပေါင်းရင်းမြစ်များ

Noo Mian 6:25

Er‐yn‐oyr shoh ta mee gra riu, Ny bee‐jee ro‐imneagh son nyn mea, cre ee‐ys, ny cre iu‐ys shiu: ny foast son nyn girp cre ver shiu miu: Nagh vel y vea ny smoo dy ve soit jeh na’n beaghey, as y corp na’n coamrey?

Noo Mian 6:34

Ny bee‐jee er‐y‐fa shen ayns imnea erbee son y laa mairagh; son tra hig y laa mairagh, hig e chiarail mârish s’lioar da’n laa t’ayn e heaghyn hene.

Noo Luke 21:34

As cur‐jee twoaie diu hene, er‐aggle ec traa erbee dy bee ny creeaghyn eu rouyr laadit lesh jooid as meshtyrys, as kiarailyn y vea shoh, as myr shoh yn laa shen dy heet erriu doaltattym.

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema, Maran‐atha.

1 Corinthianee 6:7

Nish er yn oyr shen ta son shickyrys foill nyn mast’ eu, dy vel shiu gol gys y leigh ry‐cheilley: nagh baare diu goaill aggair? nagh baare diu surranse molteyraght?

1 Corinthianee 8:13

Er‐y‐fa shen my ver ny ta mee gee oyr da my vraar dy huittym ayns peccah, cha n’ee‐ym feill choud as s’bio mee, er‐aggle dy dayrn‐ym my vraar gys peccah.

1 Corinthianee 9:25

As dy chooilley ghooiney ta streeu son y varriaght, t’eh sheelt ayns dy chooilley nhee. Nish t’adsyn jannoo shoh dy chosney attey hed naardey, agh shinyn dy chosney attey nagh jed naardey.

2 Corinthianee 10:1

Nish ta mish Paul mee hene guee erriu, liorish meenid as meiyghys Chreest, mish ta dy yeeaghyn orrym pene fardalagh nyn mast’ eu, agh dunnal tra ta mee veue.

2 Thessalonianee 2:2

Nagh bee shiu dy leah er nyn lhaggaghey ayns aigney, ny seaghnit, chamoo liorish spyrryd, ny goo, ny liorish screeuyn, myr voïnyn, myr dy beagh laa Chreest, er‐gerrey.

Titus 3:2

Nagh loayr ad olk jeh dooinney erbee, dy ve sheeoil, imlee, soilshaghey dy chooilley veenid da dagh unnane.

Hebrewnee 10:25

Cha nee treigeil yn chaglym cooidjagh ain hene, myr ta chaghtey paart; agh coyrlaghey yn derrey yeh yn jeh elley: as wheesh shen smoo, myr ta shiu fakin yn laa tayrn er‐gerrey.

Hebrewnee 10:37

Foast son tammylt beg, eshyn ta ry‐hoi heet nee eh cheet, as cha lhig eh shaghey.

1 Peddyr 1:11

Ronsaghey cre, ny cre’n imbagh dy hraa ren Spyrryd Chreest va ayndoo cowraghey, tra dymmyrk eh feanish ro‐laue jeh surranse Chreest, as yn ghloyr va dy eiyrt er.

1 Peddyr 4:7

Agh ta jerrey dy chooilley nhee er‐gerrey: bee‐jee er‐y‐fa shen sheelt, as watch‐jee gys padjer.

Ashlish 22:20

T’eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar, Hiarn Yeesey.

Ashlish 22:7

Cur‐my‐ner, ta mee cheet dy tappee: bannit ta eshyn ta freayll raaghyn phadeyrys y lioar shoh.