Philippianee 4:15 - Yn Conaant Noa 1810

¹⁵ Nish ta fys euish Philippianee myrgeddin, ayns toshiaght my phreacheil y sushtal, er my raad veih Macedonia, nagh ren keeill erbee shirveish orrym, mychione coyrt as goaill, agh shiu hene ny lomarcan.

Yn Vible Casherick 1775 1819

¹⁵ Nish ta fys euish Philippianee myrgeddin, ayns toshiaght my phreacheil y sushtal, er my raad veih Macedonia, nagh ren keeill erbee shirveish orrym, mychione coyrt as goaill, agh shiu hene ny-lomarcan.

Philippianee 4:15 ပူးပေါင်းရင်းမြစ်များ

Jannoo 16:40

As tra v’adsyn er jeet ass y phryssoon, hie ad stiagh ayns thie Lydia: as erreish daue v’er vakin ny braaraghyn, ren ad y gherjaghey ad, as jimmee ad rhymboo.

Romanee 15:26

Son s’gooidsave lhieusyn jeh Macedonia as Achaia, dy yannoo chaglym ennagh son ny Creesteenyn boghtey ta ec Jerusalem.

Philippianee 1:12

Agh baillym shiu dy hoiggal, vraaraghyn, dy vel ny reddyn t’er jeet my raad, er jyndaa magh dy chur y sushtal ny smoo er y hoshiaght:

Philippianee 1:16

Ta’n derrey yeh preacheil Creest trooid streeu, cha nee dy ynrick, er‐chee dy chur trimmid gys my gheulaghyn:

Philippianee 1:5

Son y co‐ayrn eu ayns y sushtal veih’n chied laa gys nish;

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

Philippianee 2:12

Shen‐y‐fa, my chaarjyn, myr ta shiu dy kinjagh er ve biallagh, cha nee myr ayns my enish ny‐lomarcan, agh nish foddey smoo myr ta mee veue; obbyr‐jee magh nyn saualtys hene lesh aggle as atchim.