Philippianee 4:11 - Yn Conaant Noa 1810

¹¹ Cha nee dy vel mee loayrt myr dy beign ayns feme: son ta mee er n’ynsaghey cre‐erbee yn stayd ta mee ayn, lesh shen dy ve booiagh.

Yn Vible Casherick 1775 1819

¹¹ Cha nee dy vel mee loayrt myr dy beign ayns feme: son ta mee er n’ynsaghey cre-erbee yn stayd ta mee ayn, lesh shen dy ve booiagh.

Philippianee 4:11 ပူးပေါင်းရင်းမြစ်များ

Noo Luke 3:14

As dênee ny sidooryn myrgeddin jeh, gra, As cre ta orrinyn dy yannoo? As dooyrt eh roo, Ny jean‐jee tranlaase er dooinney erbee, ny jean‐jee cassid vreagagh er dooinney erbee, as bee‐jee booiagh lesh nyn vaill.

2 Corinthianee 11:27

Ayns skeeys as doccar, ayns ve er my arrey dy mennick, ayns accyrys as paa, ayns trostey dy mennick, ayns feayraght as rooishtid:

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

2 Corinthianee 9:8

As ta Jee abyl dy chur er dy chooilley ghrayse bishaghey diu; ayns slane sonnys eu jeh dy chooilley nhee, dy vod shiu bishaghey ayns dy chooilley obbyr vie:

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

Hebrewnee 10:34

Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.