Philippianee 4:1 - Yn Conaant Noa 1810

¹ Shen‐y‐fa my vraaraghyn, deyr graihagh as nyn lurg eu ta foddiaght orrym, my voggey as my attey, shass‐jee myr shen shickyr ayns y Chiarn, my chaarjyn ennoil.

Yn Vible Casherick 1775 1819

¹ Shen-y-fa, my vraaraghyn, deyr graihagh as nyn lurg eu ta foddiaght orrym, my voggey as my attey, shass-jee myr shen shickyr ayns y Chiarn, my chaarjyn ennoil.

Philippianee 4:1 ပူးပေါင်းရင်းမြစ်များ

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Ean 8:31

Eisht dooyrt Yeesey rish ny Hewnyn shen va credjal ayn, My nee shiu tannaghtyn ayns my ghoo, eisht bee shiu dy jarroo ny ynseydee aym’s;

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Romanee 2:7

Dauesyn, liorish tannaghtyn dy meen ayns jannoo mie, ta shirrey son gloyr, as ooashley, as flaunys; yn vea dy bragh farraghtyn:

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

1 Corinthianee 16:13

Bee‐jee er nyn arrey, shass‐jee shickyr ’sy chrodjue, ymmyrk‐jee shiu hene myr deiney, bee‐jee dunnal.

2 Corinthianee 1:14

Myr ta shiuish myrgeddin ayns ayrn er n’ghoaill rooinyn, dy vel shin yn boggey eu, dy jarroo myr ta shiuish neesht yn boggey ainyn ayns laa yn Chiarn Yeesey.

Galatianee 5:1

Shass‐jee shickyr er‐y‐fa shen ’sy reamys ta Creest er chosney dooin, as ny bee‐jee kianlt reesht fo’n whing dy vondiaght.

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Philippianee 1:8

Son Jee my eanish, cre cha jeean as ta mee goaill foddeeaght nyn yeï eu ooilley ayns meiyghys Yeesey Creest.

Philippianee 2:16

Sheeyney magh yn goo dy vea; dy voddym’s boggey y ghoaill ayns laa Chreest, nagh vel mee er roie ayns fardail, chamoo er laboragh ayns fardail.

Philippianee 2:26

Son ghow eshyn foddiaght ny yeï eu ooilley, as v’eh lane dy hrimshey, er‐yn‐oyr dy row clashtyn eu dy row eh er ny ve ching.

Colossianee 4:12

Ta Epaphras, fer j’iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

2 Thessalonianee 2:15

Shen‐y‐fa, vraaraghyn, shass‐jee shickyr, as cum‐jee gys ny oardaghyn ta shiu er n’ynsaghey, lhig eh ve liorish goan, ny’n screeuyn ain.

2 Timothy 2:1

Bee uss er‐y‐fa shen, my vac, niartal ayns y ghrayse ta ayns Creest Yeesey.

Hebrewnee 10:23

Lhig dooin cummal shickyr goaill rish nyn gredjue fegooish scughey; (son t’eshyn firrinagh ta er ghialdyn:)

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Hebrewnee 4:14

Fakin dy vel ain eisht ard‐saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

2 Peddyr 3:17

Fakin er‐y‐fa shen, chaarjyn, dy vel fys eu er ny reddyn shoh ro‐laue, cur‐jee twoaie nagh jean shiuish myrgeddin, cleaynit lesh shaghrynys ny mee‐chrauee, tuittym ersooyl veih’n shickyrys eu ’sy chredjue.