Philippianee 3:2 - Yn Conaant Noa 1810

² Cur‐jee twoaie jeh moddee, cur‐jee twoaie jeh drogh‐yantee, cur‐jee twoaie jeh’n cowrey‐foalley.

Yn Vible Casherick 1775 1819

² Cur-jee twoaie jeh moddee, cur-jee twoaie jeh drogh-yantee, cur-jee twoaie jeh’n cowrey-foalley.

Philippianee 3:2 ပူးပေါင်းရင်းမြစ်များ

Noo Mian 24:10

As eisht nee ymmodee scarrey rish nyn gredjue, as brahee ad, as ver ad feoh yn derrey yeh da’n jeh elley.

Noo Mian 7:15

Bee‐jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu‐sthie t’ad nyn moddee‐oaldey jollyssagh.

Noo Mian 7:6

Ny cur‐jee shen ny ta casherick da ny moddee, chamoo hilgys shiu ny pearlyn eu roish muckyn, er‐aggle dy stamp ad orroo fo‐chosh, as dy jyndaa ad reesht, as shiu y lhottey.

Romanee 2:28

Son cha nee Ew eshyn, ta fer er cheu‐mooie; chamoo ta shen giarey‐chymmylt, ta jeant er cheu‐mooie ayns yn eill:

2 Corinthianee 11:13

Son ta nyn lheid oc shoh ostyllyn foalsey, obbreeyn molteyragh goaill orroo hene cummey ostyllyn Chreest.

Galatianee 5:13

Son ta shiuish, vraaraghyn, er ve er nyn eam gys reamys [Creestee]; agh ny jean‐jee yn reamys shoh leshtal son yn eill, agh ayns graih shirveish‐jee yn derrey yeh yn jeh elley.

Galatianee 5:15

Agh my ta shiu lhottey as coyrt mow y cheilley, cur‐jee twoaie nagh stroie‐jee yn derrey yeh yn jeh elley.

Galatianee 5:6

Son ayns Yeesey Creest, cha vel giarey‐chymmylt jeh veg y vondeish, ny an‐ghiarey‐chymmylt, agh credjue ta gobbraghey liorish graih.

Philippianee 3:19

Ta’n jerrey oc toyrt‐mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

1 Timothy 1:19

Freaylley credjue, as cooinsheanse vie: liorish scarrey roo shoh ta paart dy bollagh er stroie nyn gredjue.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee‐viallagh, as noi dy chooilley obbyr vie er nyn greoghey.

2 Peddyr 2:22

Agh te er daghyrt daue cordail rish y chenn raa firrinagh, Ta’n moddey er jyndaa reesht gys y skeeah echey hene; as y vuc va nieet, gys yn ymmylt eck ’sy laagh.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Ashlish 2:9

Shione dou dty obbraghyn, as dty heaghyn, as dty voghtynid (agh t’ou berchagh), as ta fys aym er yn oltooan ocsyn ta gra dy nee Hewnyn ad, as nagh vel, agh keeill y Drogh spyrryd.

Ashlish 21:8

Agh adsyn ta faitagh, as mee‐chredjuagh, as adsyn ta cur rish obbraghyn dwoaiagh, as dunveryn, as maarderee, as fir‐obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Ashlish 22:15

Son cheu‐mooie ta moddee, as fir‐obbee, as maarderee, as dunveryn, as adsyn ta cur ooashley da jalloonyn, as quoi erbee shynney lesh as ta jannoo breg.

Ashlish 3:9

Cur‐my‐ner, ver‐ym orroosyn jeh keeill Satan (ta gra dy nee Hewnyn ad, as nagh nee, agh ta breagagh) cur‐my‐ner, ver‐yms orroo cheet as ooashley ’choyrt ec dty chassyn, as toiggal dy vel mish er ve ghraihagh ort.