Philippianee 3:18 - Yn Conaant Noa 1810

¹⁸ (Son ta ymmodee gimmeeaght, my‐nyn gione ta mee er n’insh diu dy mennick, as nish lesh jeir ginsh diu, dy nee ad noidyn crosh Chreest:

Yn Vible Casherick 1775 1819

¹⁸ (Son ta ymmodee gimmeeaght, my-nyn-gione ta mee er n’insh diu dy mennick, as nish lesh jeïr ginsh diu, dy nee ad noidyn crosh Chreest:

Philippianee 3:18 ပူးပေါင်းရင်းမြစ်များ

Noo Luke 19:41

As tra v’eh er jeet er‐gerrey, yeeagh eh er yn ard‐valley, as cheayn eh harrish,

Jannoo 20:19

Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Romanee 9:2

Dy vel aym trimshey trome as dobberan kinjagh ayns my chree.

1 Corinthianee 1:18

Son ta preacheil y chrosh ommijys dauesyn ta cherraghtyn; agh dooinyn t’er nyn sauail te pooar Yee.

1 Corinthianee 6:9

Nagh vel fys eu nagh vow ny mee‐chrauee eiraght ayns reeriaght Yee? Ny bee‐jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey‐poosey, ny ny soailtee, ny adsyn ta cur rish peccah noi dooghys,

2 Corinthianee 11:13

Son ta nyn lheid oc shoh ostyllyn foalsey, obbreeyn molteyragh goaill orroo hene cummey ostyllyn Chreest.

2 Corinthianee 11:29

Quoi ta annoon, as nagh vel mish annoon? quoi t’er ghoaill oyr dy huittym, as nagh vel mish lostey?

2 Corinthianee 2:4

Son lesh mooarane trimshey as angaish cree, scrieu mee hiu lesh ymmodee jeïr; cha nee dy chur trimshey erriu, agh dy voddagh fys ve eu er y ghraih jeean t’aym’s erriu.

Galatianee 1:7

Elley cha vel ayn; agh ta paart ta dy voirey shiu, as shirrey dy yannoo caghlaa ayns sushtal Chreest.

Galatianee 2:14

Agh tra honnick mee nagh row ad gymmyrkey ad hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t’ou uss, ta dty Hew, gymmyrkey oo hene myr ny Ashoonee, as cha nee myr ny Hewnyn, cre’n‐fa t’ou uss gêginaghey ny Ashoonee dy veaghey myr ny Hewnyn?

Galatianee 2:21

Cha vel mee jannoo grayse Yee dyn bree: son my ta seyrsnys cheet liorish y leigh, eisht ta Creest marroo ayns fardail.

Galatianee 5:21

Troo, dunverys, meshtyrys, glutteraght, as y lheid: my‐nyn‐gione ta mee ginsh diu ro‐laue, myr ta mee myrgeddin er n’insh diu ayns y traa t’er n’gholl shaghey, nagh vow adsyn ta cur rish lheid ny reddyn, reeriaght Yee ayns eiraght.

Galatianee 6:12

Whilleen as ta shirrey dy hoilshaghey ad hene er cheumooie liorish cowrey ny foalley, t’ad gêginaghey shiu dy ve er ny ghiarey‐chymmylt; ny lomarcan son nagh jinnagh ad surranse tranlaase er coontey crosh Chreest.

Galatianee 6:14

Agh ny lhig eh Jee dy jinnin’s boggyssagh, agh ayns crosh nyn Jiarn Yeesey Creest, liorish ta’n seihll er ny chrossey hym’s, as mish gys y theihll.

Ephesianee 4:17

Shoh ta mee gra eisht, as gymmyrkey feanish er lieh yn Chiarn, nagh jean shiu veih shoh magh gimmeeaght myr ta’n chooid elley jeh ny Ashoonyn‐quaagh gimmeeaght ayns fardail nyn aignaghyn;

Philippianee 1:4

(Dy kinjagh ayns ooilley my phadjeryn er nyn son eu ooilley, jannoo aghin lesh boggey)

1 Thessalonianee 4:6

Nagh lhisagh dooinney erbee vondeish y ghoaill er e vraar as eh y volley ayns cooish erbee: er‐yn‐oyr dy nee yn Chiarn ta goaill cooilleen er ooilley nyn lheid, myr ta shin er n’insh diu ro‐laue, as er hoilshaghey.

2 Thessalonianee 3:11

Son ta shin clashtyn dy vel nyn lheid ayn ta gymmyrkey ad hene dy lhiastey ny vud eu, nagh vel lhie rish turn y yannoo, agh ta seiy ad hene ayns cooishyn sleih elley.

2 Peddyr 2:10

As erskyn ooilley adsyn ta gimmeeaght lurg yn eill, ’sy taynt dy neu‐ghlennid, as soiaghey beg jeh reiltys: daaney t’ad creoi‐wannallagh, cha vel aggle orroo dy loayrt dy olk jeh ny pooaraghyn syrjey:

Jude 1:13

Tonnyn freaynagh yn aarkey, keshal magh yn nearey oc hene; rollageyn rouail, daue ta kiarit yn dooid dy ghorraghys son dy bragh.