Philippianee 2:9 - Yn Conaant Noa 1810

⁹ Shen‐y‐fa ta Jee myrgeddin er hoiaghey eh seose dy ard, as er choyrt da ennym ta erskyn dy chooilley ennym:

Yn Vible Casherick 1775 1819

⁹ Shen-y-fa ta Jee myrgeddin er hoiaghey eh seose dy ard, as er choyrt da ennym ta erskyn dy chooilley ennym:

Philippianee 2:9 ပူးပေါင်းရင်းမြစ်များ

Noo Mian 11:27

Ta dy chooilley nhee er ny livrey dooys liorish my Ayr: as cha nhione da dooinney erbee yn Mac, agh yn Ayr: chamoo shione da dooinney erbee yn Ayr, agh y Mac, as eshyn da s’gooidsave lesh yn Mac eh y hoilshaghey.

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Luke 10:22

Ta dy chooilley nhee er ny livrey dooys liorish my Ayr: as cha vel fys ec unnane erbee quoi yn Mac, agh yn Ayr; ny quoi yn Ayr, agh yn Mac, as eshyn da nee yn Mac eh y hoilshaghey.

Noo Ean 13:3

Va fys ec Yeesey dy row yn Ayr er chur dy chooilley nhee ayns ny laueyn echey, as dy nee veih Jee haink eh, as dy nee gys Jee v’eh goll.

Noo Ean 17:11

As nish cha vel mish dy ve ny sodjey ayns y theihll, agh t’ad shoh ayns y theihll, as ta mish cheet hood’s. Ayr chasherick, freill trooid dty ennym hene adsyn t’ou er chur dou, dy vod adsyn ve unnane, myr ta shinyn unnane.

Noo Ean 17:12

Choud as va mee mâroo ayns y theihll, dreill mee ad ayns dty ennym’s: adsyn hug oo dou dreill mee, as cha vel unnane oc caillit, mannagh vel mac y toyrt‐mow: dy voddagh yn scriptyr ve cooilleenit.

Noo Ean 17:5

As nish, O Ayr, jean mish y ghloyraghey mayrt hene, lesh y ghloyr v’aym mayrt roish my row seihll ayn.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Ephesianee 1:10

Ayns coorse slane towse ny hearishyn, dy voddagh eh chaglym cooidjagh ayns unnane dy chooilley nhee ayns Creest, chammah ny t’ayns niau as er y thalloo, dy jarroo aynsyn.

Colossianee 1:18

As t’eshyn kione y chorp, yn agglish: eh ta’n toshiaght, yn chied‐er‐ny‐ruggey veih ny merriu; dy voddagh yn ard‐reill ’ve echey ayns dy chooilley nhee.

2 Thessalonianee 1:12

Dy vod ennym nyn Jiarn Yeesey Creest v’er ny ghloyraghey ayndiuish, as shiuish aynsyn, cordail rish grayse nyn Yee, as y Chiarn Yeesey Creest.

Hebrewnee 1:4

Jeant wheesh shen syrjey na ny ainleyn, myr t’eh liorish eiraght er gheddyn ennym s’ooasle na t’adsyn.

Hebrewnee 1:9

T’ou er choyrt graih da cairys, as feoh da mee‐chairys; shen‐y‐fa ta Jee, dy jarroo yn Jee ayd’s, er dty ooillaghey lesh yn ooil dy ghennallys erskyn dy heshaghyn.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 2:9

Agh ta shin fakin Yeesey, va jeant son tammylt ny s’inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard‐reillyn, as pooaraghyn er nyn injillaghey.

2 Peddyr 1:17

Son hooar eh veih Jee yn Ayr, onnor as gloyr, tra haink lheid y coraa huggeysyn veih’n ashlish ghloyroil, Shoh my Vac graihagh, jeh ta mee dy mooar soiaghey.

3 Ean 1:7

Er‐yn‐oyr dy nee er graih yn ennym echeysyn hie ad magh, fegooish goaill veg veih ny Ashoonee.

Ashlish 1:5

As veih Yeesey Creest, yn feanish firrinagh, as y chied‐er‐ny‐ruggey veih ny merriu, as prince reeaghyn y thallooin: Huggeysyn va graihagh orrin, as ren shinyn y niee veih nyn beccaghyn ayns yn uill echey hene.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

Ashlish 19:16

As ta echey er e gharmad as er e lheeasid ennym scruit, REE DY REEAGHYN, AS CHIARN DY HIARNYN.

Ashlish 3:21

Dasyn ta geddyn y varriaght low‐yms dy hoie mârym er my stoyl‐reeoil, myr hooar mish myrgeddin yn varriaght, as ta mee er hoie sheese marish my Ayr er y stoyl‐reeoil echeysyn.

Ashlish 5:12

Gra lesh ard‐choraa, Feeu ta’n Eayn v’er ny varroo, dy gheddyn pooar, as berchys, as creenaght, as niart, as ooashley, as gloyr, as bannaght.