Philippianee 2:17 - Yn Conaant Noa 1810

¹⁷ As, dy jarroo, my vees m’uill’s er ny gheayrtey magh er oural as shirveish y chredjue euish, ta mee dy my gherjaghey, as goaill boggey mêriu ooilley.

Yn Vible Casherick 1775 1819

¹⁷ As, dy jarroo, my vees m’uill’s er ny gheayrtey magh er oural as shirveish y chredjue euish, ta mee dy my gherjaghey, as goaill boggey mêriu ooilley.

Philippianee 2:17 ပူးပေါင်းရင်းမြစ်များ

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 21:13

Eisht dreggyr Paul, Cre shoh ta shiu jannoo, dy cheayney as brishey my chree? son ta mee aarloo, cha nee ynrycan dy ve er my choyrt ayns geulaghyn, agh eer dy hurranse baase ec Jerusalem er graih ennym y Chiarn Yeesey.

Romanee 12:1

Ta mee guee erriu er‐y‐fa shen, vraaraghyn, liorish myghinyn Yee, dy jean shiu chebbal nyn gallinyn myr oural bio, casherick, booisal gys Jee, ta’n chirveish resoonagh eu.

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

2 Corinthianee 12:15

As dy feer arryltagh nee’m baarail, as bee’m er my vaarail er nyn son eu; ga myr smoo dy mooar ta mish graihagh erriuish, sloo dy ghraih t’euish orrym.

2 Corinthianee 4:12

Myr shen eisht, ta baase gobbraghey aynin, agh bioys ayndiuish.

2 Corinthianee 6:10

Myr lane dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.

2 Corinthianee 7:4

S’mooar ta reamys my ghlare hiuish, s’mooar ta my voggyssagh jiuish: ta mee lhieent lesh gerjagh, ta mee goaill boggey erskyn towse ayns ooilley yn seaghyn ain.

Philippianee 1:20

Cordail rish my yerkal jeean, as my hreishteil, nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

Philippianee 2:18

Er y choontey cheddin bee‐jee shiuish neesht er nyn gherjaghey, as gow‐jee boggey mârym’s.

Philippianee 2:30

Er‐yn‐oyr son obbyr Chreest ve’h ayns dangeyr baaish, gyn soiaghey jeh e vioys hene dy yannoo magh hym’s shen ny va shiuish er‐gooyl ayns nyn ghiastyllys.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

1 Thessalonianee 2:8

Myr shen ayns slane aigney‐mie diuish, va shin booiagh dy hirveish erriu, cha nee ynrycan sushtal Yee, agh eer nyn mioys hene, er‐yn‐oyr dy row shiu deyr dooin.

2 Timothy 4:6

Son ta mee nish jannoo aarloo dy ve er my hebbal, as ta traa my vaaish er‐gerrey.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.