Philippianee 2:16 - Yn Conaant Noa 1810

¹⁶ Sheeyney magh yn goo dy vea; dy voddym’s boggey y ghoaill ayns laa Chreest, nagh vel mee er roie ayns fardail, chamoo er laboragh ayns fardail.

Yn Vible Casherick 1775 1819

¹⁶ Sheeyney magh yn goo dy vea; dy voddym’s boggey y ghoaill ayns laa Chreest, nagh vel mee er roie ayns fardail, chamoo er laboragh ayns fardail.

Philippianee 2:16 ပူးပေါင်းရင်းမြစ်များ

Noo Mian 10:27

Shen ta mish dy insh diu ayns folliaght, fockle‐jee shiuish magh eh dy foshlit: as shen ta shiu er chlashtyn myr hannish voym’s, jean‐jee y phreacheil er mullagh ny dhieyn.

Noo Luke 12:8

Myrgeddin ta mee gra riu, Quoi‐erbee ghoys rhyms kiongoyrt rish deiney, nee yn Mac dooinney myrgeddin goaill rishyn kiongoyrt rish ainleyn Yee.

Noo Ean 6:63

She yn spyrryd ta bioghey, cha vel yn eill jannoo veg y vie: ny goan ta mish dy loayrt riu, t’ad spyrryd as t’ad bea.

Noo Ean 6:68

Eisht dreggyr Simon Peddyr eh, Hiarn, quoi gys hem mayd? ayd’s ta goan y vea veayn.

Jannoo 13:26

Gheiney as vraaraghyn, cloan kynney Abraham, as quoi‐erbee ta nyn mast’ euish goaill aggle roish Jee, hiuish ta goo yn taualtys shoh er ny chioyrt.

1 Corinthianee 1:8

Nee myrgeddin shiuish y niartaghey gys y jerrey, dy vod shiu ve gyn loght ayns laa nyn Jiarn Creest.

1 Corinthianee 9:26

Ta mish er‐y‐fa shen myr shoh roie, cha nee ayns aght neu‐hickyr; ta mee myr shen gleck, cha nee myr fer ta bwoalley yn gheay:

2 Corinthianee 1:14

Myr ta shiuish myrgeddin ayns ayrn er n’ghoaill rooinyn, dy vel shin yn boggey eu, dy jarroo myr ta shiuish neesht yn boggey ainyn ayns laa yn Chiarn Yeesey.

Galatianee 2:2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er‐lheh da ny ard‐gheiney, er‐aggle er aght erbee dy roie‐in, ny dy beign er roie ayns fardail.

Galatianee 4:11

Ta mee goaill aggle j’iu, dy vel mee er vaarail erriu obbyr ayns fardail.

Philippianee 1:10

Dy vod shiu lowal jeh ny reddyn smoo ooasle, dy vod shiu ve ynrick, as shickyr gys laa Creest;

Philippianee 1:6

Myr ta shickyrys aym jeh’n eer red shoh, dy der eshyn ta er chur obbyr vie er y hoshiaght ny‐vud eu, mullagh er derrey laa Yeesey Creest:

1 Thessalonianee 2:19

Son cre ta nyn dreishteil, ny nyn moggey, ny nyn attey dy ghennallys? nagh nee dy jarroo shiuish kionfenish nyn Jiarn Yeesey Creest, ec y cheet echey?

1 Thessalonianee 3:5

Er‐yn‐oyr shoh tra nagh voddin lhiggey shaghey ny sodjey, chur mee chaghter dy gheddyn fys er nyn gredjue, er‐aggle liorish saaseyn erbee dy vel y mioleyder er violaghey shiu, as yn obbyr ain ays fardail.

Hebrewnee 4:12

Son ta goo Yee bioal, as breeoil, as ny s’geyrey na cliwe erbee dy ghaa foyr, roie trooid gys eer rheynn veih‐my‐cheilley yn annym as y spyrryd, as ny juntyn as y smuirr, as ronsaghey magh smooinaghtyn as kiarailyn y chree.

1 Peddyr 1:23

Myr ta shiu ruggit reesht, cha nee jeh rass hed naardey, agh jeh rass nagh jed naardey, liorish goo Yee, ta bio as tannaghtyn son dy bragh.

1 Ean 1:1

Shen ny va er‐dyn toshiaght, ny ta shin er chlashtyn, ny ta shin er vakin lesh nyn sooillyn, ny ta shin er yeeaghyn er, as nyn laueyn er loaghtey jeh goo yn vea;

Ashlish 22:17

As ta’n Spyrryd as ben y phoosee gra, Tar‐jee. As lhig dasyn ta clashtyn, gra, Tar‐jee. As lhig dasyn ta paagh cheet. As lhig da quoi‐erbee saillish goaill ushtey yn vea nastee.