Philippianee 2:15 - Yn Conaant Noa 1810

¹⁵ Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny vud oc ta shiu lossey myr soilshaghyn ’sy theihll:

Yn Vible Casherick 1775 1819

¹⁵ Dy vod shiu ve gyn loght as ôney, cloan dy Yee, fegooish oghsan ayns mean sheeloghe camlaagagh as roonagh, ny-vud oc ta shiu lossey myr soilshaghyn ’sy theihll:

Philippianee 2:15 ပူးပေါင်းရင်းမြစ်များ

Noo Mian 10:16

Cur‐my‐ner ta mish dy choyrt shiu magh myr kirree mastey moddee‐oaldey: Bee‐jee er‐y‐fa shen tastagh myr ard‐nieughyn, as ôney myr calmaneyn.

Noo Mian 17:17

Dansoor Yeesey as dooryt eh, O heeloghe vee‐chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Noo Mian 5:45

Dy vod shiu ve cloan nyn Ayr t’ayns niau, son t’eshyn cur er e ghrian girree er mie as sie, as cur fliaghey neose er y vooinjer chairagh as neu‐chairagh.

Noo Mian 5:48

Bee‐jee shuish er‐y‐fa shen slane‐ynrick, eer myr ta nyn Ayr t’ayns niau slane‐ynrick.

Noo Luke 1:6

As va’d ny neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.

Noo Luke 6:35

Agh cur‐jee graih da nyn noidyn, as jean‐jee mie, as eeasee‐jee, fegooish jerkal rish veg y gheddyn reesht: as s’mooar vees nyn leagh! as bee shiu cloan yn Er‐syrjey: son t’eh dooie da’n vooinjer neu‐wooisal as ny mee‐chrauee.

Noo Ean 5:35

V’eshyn ny hoilshey gial as sollys: as va shiu booiagh son earish boggey ’ghoaill ayns y soilshey echey.

Jannoo 2:40

As lesh ymmodee goan elley dymmyrk eh feanish as choyrlee eh, gra, Saue‐jee shiu hene veih’n cheeloghe roonagh shoh.

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir‐eiyrtee.

Romanee 16:19

Son ta’n viallys euish er ny imraa mastey dy chooilley ghooinney. Ta mee er‐y‐fa shen goaill boggey er y lieh eu: agh ny‐yeih baillym shiu ve tastagh gys shen ny ta mie, as ôney mychione olk.

1 Corinthianee 1:8

Nee myrgeddin shiuish y niartaghey gys y jerrey, dy vod shiu ve gyn loght ayns laa nyn Jiarn Creest.

2 Corinthianee 6:17

Shen‐y‐fa tar‐jee magh veih nyn mast’ oc, as bee‐jee er nyn scarrey voue, ta’n Chiarn dy ghra, as ny benn‐jee rish yn red neu‐ghlen; as neem’s goaill riu,

Ephesianee 5:27

Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lhea mys erbee.

Philippianee 1:10

Dy vod shiu lowal jeh ny reddyn smoo ooasle, dy vod shiu ve ynrick, as shickyr gys laa Creest;

Philippianee 3:6

Mychione jeeanid son y leigh, jannoo tranlaase er yn agglish; mychione y chairys ta liorish y leigh, gyn foill.

1 Thessalonianee 5:23

As dy jean y Jee hene dy hee shiu dy slane y chasherickey: as ta mee guee gys Jee dy bee’n slane spyrryd, as annym, as callin eu er ny reayll gyn loght, gys cheet nyn Jiarn Yeesey Creest.

1 Timothy 3:10

As lhig daue shoh myrgeddin ve hoshiaght er nyn browal; eisht lhig daue goaill orroo oik y chirveishagh, my t’ad dyn foill.

1 Timothy 3:2

Shegin da aspick eisht ve gyn loght, sheshey‐poost un ven, tastagh, sheelt, jeh ymmyrkey‐bea mie, aggindagh dy choyrt oltaghey‐bea, aghtal dy ynsaghey;

1 Timothy 5:14

Saillym er‐y‐fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

1 Timothy 5:20

Cur oghsan dauesyn ta cur rish peccah kiongoyrt rish ooilley, dy vod feallagh elley myrgeddin aggle y ghoaill.

1 Timothy 5:7

As ny reddyn shoh cur [daue] ayns currym, dy vod ad ve dyn foill.

Titus 1:6

Lheid as ta gyn foill, sheshey un ven, as e chloan crauee, nagh vel er ny chassid jeh rouanys ny mee‐reiltys.

Titus 2:10

Cha nee myngyragh, agh soilshaghey slane jeidjys firrinagh; dy vod ad soiaghey magh ynsagh Yee nyn Saualtagh ayns dy chooilley nhee.

Titus 2:15

Ny reddyn shoh jean uss loayrt as coyrlaghey, as cur oghsan lesh slane ’torrity. Ny lhig da dooinney erbee beg y hoiaghey jeed.

Hebrewnee 7:26

Son va lheid yn ard‐saggyrt shoh cooie er nyn son, ta casherick, gyn loght, glen, scarrit voish peccee, as jeant ny syrjey na ny niaughyn;

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh‐yantee, dy vod ad liorish ny obbraghyn mie eu ver ad my‐ner, Jee y ghloyraghey ayns laa yn chooilleen.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

2 Peddyr 3:14

Shen‐y‐fa, chaarjyn, fakin dy vel shiu jerkal rish lheid ny reddyn, bee‐jee imneagh dy bee shiu er nyn gheddyn liorishyn ayns shee, fegooish foill, as gyn loght.

Ashlish 2:5

Cooinee er‐y‐fa shen cre voish t’ou er duittym, as gow arrys, as jean dty chied obbraghyn; er‐nonney higym hood dy tappee, as scugh‐ym dty chainleyr ass e ynnyd, mannagh gow arrys.

Ashlish 3:9

Cur‐my‐ner, ver‐ym orroosyn jeh keeill Satan (ta gra dy nee Hewnyn ad, as nagh nee, agh ta breagagh) cur‐my‐ner, ver‐yms orroo cheet as ooashley ’choyrt ec dty chassyn, as toiggal dy vel mish er ve ghraihagh ort.