Philippianee 2:14 - Yn Conaant Noa 1810

¹⁴ Jean‐jee dy chooilley nhee fegooish jymmoose as argane:

Yn Vible Casherick 1775 1819

¹⁴ Jean-jee dy chooilley nhee fegooish jymmoose as argane:

Philippianee 2:14 ပူးပေါင်းရင်းမြစ်များ

Noo Mian 20:11

As tra v’ad er ghoaill eh, ren ad tallagh noi yn er‐thie,

Noo Mark 14:5

Son oddagh eh v’er ny ve creckit son ny smoo na three cheead ping, as shen baarit er ny boghtyn. As v’ad jymmoosagh r’ee.

Noo Mark 9:14

As tra v’eh er jeet gys e ostyllyn, honnick eh chaglym mooar dy leih mygeayrt‐y‐moo, as ny scrudeyryn arganey roo.

Noo Luke 5:30

Agh va ny scrudeyryn oc as ny Phariseeyn jymmoosagh rish e ynseydee, gra, Cre’n‐fa ta shiu gee as giu marish publicanee as peccee?

Jannoo 15:2

Tra va streeu er‐y‐fa shen as resooney nagh nee beggan er ve ec Paul as Barnabas roo, ghow ad ayns laue dy ragh Paul as Barnabas as shiartanse elley mâroo, seose gys Jerusalem gys ny ostyllyn as y chanstyr mychione y question shoh.

Jannoo 15:39

As dirree lheid y streeu shen eddyr ad, dy scarr ad ry‐cheilley: as hug Barnabas lesh Mark, as ghow eh lhuingys gys Cyprus.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er‐dy‐henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

Romanee 12:18

My oddys eh ve, wheesh as t’ayns nyn booar, jean‐jee beaghey ayns shee rish dy chooilley ghooinney.

Romanee 14:1

Eshyn ta annoon ’sy chredjue gow‐jee rish, agh cha nee gys jengleyrys dooyteilagh.

Romanee 16:17

Nish ta mee guee erriu, vraaraghyn, gow‐jee tastey jeusyn ta kyndagh jeh anvea as scammyltyn, ta noi’n chredjue ta shiuish er n’ynsaghey; as chea‐jee voue.

1 Corinthianee 10:10

Chamoo jean shiuish tallagh, myr ren paart jeusyn neesht tallagh, as v’ad er nyn stroie liorish y stroieder.

2 Corinthianee 12:20

Agh ta mee goaill aggle tra hig‐ym’s, nagh voym shiuish lheid as baillym, as beem’s er ny gheddyn lieriuish lheid as nagh bailliu: er‐aggle dy bee ny vud eu anvea, troo, jymmoose, streeu, cooyl‐chassid, tutleraght, mooaralys, irree‐magh:

Galatianee 5:15

Agh my ta shiu lhottey as coyrt mow y cheilley, cur‐jee twoaie nagh stroie‐jee yn derrey yeh yn jeh elley.

Galatianee 5:26

Ny lhig dooin geearree gloyr fardalagh, brasnaghey yn derrey yeh yn jeh elley, troo yn derrey yeh mysh y jeh elley.

Philippianee 2:3

Ny lhig da nhee erbee ve jeant trooid anvea, ny mooaralys, agh ayns injillid‐aigney lhig da dagh unnane soiagh ’yannoo jeh feallagh elley roish hene.

1 Thessalonianee 5:13

As dy yannoo ard‐soiagh jeu ayns graih er coontey nyn obbyr: as bee‐jee ec shee nyn mast’ eu hene.

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr‐jee er shen ta mie, chammah nyn mast’ eu hene, as rish dy chooilley ghooinney.

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

Jamys 1:20

Son cha vel corree dooinney gobbraghey cairys Yee.

Jamys 3:14

Agh my ta eu myskid sharroo as streeu ayns nyn greeaghyn, ny jean‐jee boggyssagh, as ny jean‐jee breg noi’n irriney.

Jamys 5:9

Ny gow‐jee sproght goanlyssagh ry‐cheilley, vraaraghyn, er‐aggle dy bee shiu er nyn gheyrey: cur‐my‐ner ta’n briw shassoo ec y dorrys.

1 Peddyr 3:11

Lhig da chea veih olk, as jannoo mie; lhig da shee y hirrey, as lhiantyn huggey.

1 Peddyr 4:9

Cur‐jee oltaghey‐bee yn derrey yeh da’n jeh elley fegooish mooaraghey.

Jude 1:16

Ta’d shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.