Philippianee 2:11 - Yn Conaant Noa 1810

¹¹ As dy lhisagh dy chooilley hengey goaill‐rish dy nee Yeesey Creest yn Chiarn, gys gloyr Yee yn Ayr.

Yn Vible Casherick 1775 1819

¹¹ As dy lhisagh dy chooilley hengey goaill-rish dy nee Yeesey Creest yn Chiarn, gys gloyr Yee yn Ayr.

Philippianee 2:11 ပူးပေါင်းရင်းမြစ်များ

Noo Mian 10:32

Quoi‐erbee er‐y‐fa shen ghoys rhym’s kiongoyrt rish deiney, goym’s rishyn myrgeddin kiongoyrt rish my Ayr t’ayns niau.

Noo Luke 2:11

Son diuish t’er ny ruggey jiu ayns ard‐valley Ghavid, Saualtagh, ta shen Creest yn Chiarn.

Noo Ean 12:42

Ny‐yeih mastey ny eer ard‐reiltee ren ymmodee credjal ayn; agh kyndagh rish ny Phariseeyn cha ghow ad rish, er‐aggle dy beagh ad er ny ghiarey‐magh veih yn agglish.

Noo Ean 13:13

Ta shiu genmys mish nyn Mainshter, as Chiarn: as ta shiu gra dy mie; son she shen mee.

Noo Ean 13:14

My ta mish eisht yn Chiarn as y Mainshter eu er niee nyn gassyn, lhisagh shiuish myrgeddin yn derrey yeh eu cassyn y jeh elley y niee.

Noo Ean 14:13

As cre‐erbee nee shiu y hirrey ayns yn ennym aym’s, shen neem’s y yannoo, dy voyd yn Ayr v’er ny ghloyraghey ayns y Vac.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 17:1

Ny goan shoh loayr Yeesey; as hrog eh seose e hooillyn gys niau, as dooyrt eh, Ayr, ta’n oor er jeet; jean dty Vac y ghloyraghey, dy vod dty Vac myrgeddin uss y ghloyraghey.

Noo Ean 20:28

As dreggyr Thomase as dooyrt eh rish, My Hiarn, as my Yee.

Noo Ean 5:23

Dy voddagh dy chooilley ghooinney ooashley y choyrt da’n Mac, myr t’ad cur ooashley da’n Ayr. Eshyn nagh vel cur ooashley da’n Mac, cha vel eh coyrt ooashley da’n Ayr ren y choyrt eh.

Noo Ean 9:22

Ny goan shoh loayr e ayr as e voir, son dy row ad ayns aggle roish ny Hewnyn: son va ny Hewnyn er choardail hannah, my ghoghe dooinney erbee rish dy nee eh va’n Creest, dy beagh eh er ny ghiarey magh ass y synagogue.

Jannoo 10:36

Yn goo hug Jee gys cloan Israel, preacheil shee liorish Yeesey Creest (eshyn y Chiarn ain ooilley)

Jannoo 2:36

Shen‐y‐fa lhig da ooilley lught‐thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Romanee 14:11

Son te scruit, Myr ta mee bio, ta’n Chiarn dy ghra, shegin da dy chooilley ghlioon croymmey hym’s, as shegin da dy chooilley hengey goaill‐rish gys Jee.

Romanee 14:9

Son er‐y‐fa shoh hooar Creest chammah baase, as dirree eh, as vio‐ee eh reesht, dy voddagh eh ve Chiarn chammah ny bio as ny merriu.

Romanee 15:9

As dy voddagh ny Ashoonyn‐quaagh Jee y ghloyraghey son e vyghin; myr te scruit, Son yn oyr shoh ver‐yms moylley dhyt mastey ny Ashoonyn‐quaagh, as nee’m arrane y ghoaill gys dty ennym.

1 Corinthianee 12:3

Shen‐y‐fa ta mish soilshaghey diu, nagh vel dooinney erbee ta loayrt liorish Spyrryd Yee, genmys Yeesey mollaghtagh: as nagh vod dooinney erbee gra dy nee Yeesey yn Chiarn, agh liorish y Spyrryd Noo.

1 Corinthianee 15:47

Va’n chied dooinney jeh’n thalloo, thallooinagh: ta’n nah ghooinney yn Chiarn veih niau.

1 Corinthianee 8:6

Agh dooinyn cha vel ayn agh un Jee, yn Ayr, jehsyn ta dy chooilley nhee, as shinyn aynsyn; as un Chiarn Yeesey Creest, liorishyn ta dy chooilley nhee, as shinyn liorishyn.

1 Peddyr 1:21

Ta liorishyn credjal ayns Jee, hrog eh seose veih ny merriu, as hug da gloyr, dy voddagh nyn gredjue as nyn dreishteil ve ayns Jee.

1 Ean 4:15

Quoi‐erbee nee goaill‐rish dy nee Yeesey Mac Yee, ta Jee tannaghtyn aynsyn, as eshyn ayns Jee.

1 Ean 4:2

Liorish shoh gow‐ee shiu baght jeh Spyrryd Yee: Dy chooilley spyrryd ta goaill‐rish dy vel Yeesey Creest er jeet ayns yn eill, t’eh jeh Jee.

2 Ean 1:7

Son ta ymmodee molteyryn er n’gholl magh fud y theihll, nagh vel goaill‐rish dy vel Yeesey Creest er jeet ayns yn eill. Shoh eh ta ny volteyr, as yn an‐chreestee.

Ashlish 3:5

Bee eshyn yiow yn varriaght, coamrit ayns garmad gial; as cha derym yn ennym echey ass lioar y vea, agh goym rish e ennym kiongoyrt rish my Ayr, as fenish e ainleyn.