Philemon 1:17 - Yn Conaant Noa 1810

¹⁷ My t’ou er‐y‐fa shen jeeaghyn orrym myr sheshey‐creestee, gow rishyn myr rhym pene.

Yn Vible Casherick 1775 1819

¹⁷ My t’ou er-y-fa shen jeeaghyn orrym myr sheshey-creestee, gow rishyn myr rhym pene.

Philemon 1:17 ပူးပေါင်းရင်းမြစ်များ

Noo Mian 10:40

Eshyn ta soaighey jiuish, te’h soiaghey jeem’s; as eshyn ta soiaghey jeem’s, t’eh soiaghey jehsyn t’er my choyrt.

Noo Mian 18:5

As quoi‐erbee nee soiaghey jeh lheid y lhiannoo beg shoh ayns yn ennym aym’s, t’eh jannoo soiaghey jeem’s.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Jannoo 16:15

As tra v’ee hene as lught e thie er nyn mashtey, ghuee ee orrin, gra, My ta shiu er vriwnys mish dy ve firrinagh gys y Chiarn, tar‐jee stiagh gys my hie, as gow‐jee aaght mârym. As cha goghe ee obbal voïn.

2 Corinthianee 8:23

My ta veg eu briaght lurg Titus, t’eh my heshey, as my cho‐obbree er y lieh euish: ny my ta briaght jeant lurg nyn mraaraghyn, t’adsyn chaghteryn ny kialteenyn, as gloyr Chreest.

Ephesianee 3:6

Dy row ny Ashoonyn‐quaagh dy ve co‐eiraghyn, as jeh’n un chorp, as dy ghoaill ayrn cooidjagh jeh e ghialdyn ayns Creest, liorish y sushtal:

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

1 Timothy 6:2

As adsyn ta mainshteryn creestee oc, ny lhig daue soiaghey beg jeu, er‐yn‐oyr dy nee braaraghyn ad: agh lhig daue shirveish ad ny s’arryltee, son dy vel ad jeh’n [un] chredjue, as ayns graih [Yee], goaill ayrn cooidjagh jeh’n bannaght. Ny reddyn shoh ynsee as coyrlee.

Philemon 1:10

Ta mee jannoo aghin hood ayns lieh my vac Onesimus, ta mee er gheddyn ayns y chredjue tra va mee ayns my gheulaghyn:

Philemon 1:12

Eshyn ta mee er choyrt hoods reesht: gow uss rishyn er‐y‐fa shen myr rish my chree hene.

Philemon 1:18

My t’eh er n’yannoo aggair dhyt, ny my t’eh lhiastyn veg dhyt, cur shen gys y choontey aym’s.

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 3:14

Son ta cairys ain ayns Creest, my ta shin cummal undin nyn marrantys ersyn shickyr gys y jerrey;

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Peddyr 5:1

Ny shanstyryn ta ny mast’ eu ta mee coyrlaghey, ta mee hene myrgeddin my hanstyr, as feanish jeh surranseyn Chreest, as myrgeddin parteeas jeh’n ghloyr vees er ny hoilshaghey:

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.