Noo Mian 9:2 - Yn Conaant Noa 1810

² As cur‐my‐ner, hug ad lhieu huggey dooinney doghanit lesh y chingys‐craaee, ny lhie er lhiabbee: as Yeesey goaill tastey jeh’n chredjue oc, dooyrt eh rish y varter, Vac, bee dy yien mie, ta dty pheccaghyn er ny leih dhyt,

Yn Vible Casherick 1775 1819

² As cur-my-ner, hug ad lhieu huggey dooinney doghanit lesh y chingys-craaee, ny lhie er lhiabbee: as Yeesey goaill tastey jeh’n chredjue oc, dooyrt eh rish y varter, Vac, bee dy yien mie, ta dty pheccaghyn er ny leih dhyt.

Noo Mian 1748

² As cur‐my‐ner hug ad lieu huggey dooinney va ching jeh’n chingys‐cra, ny lhie er lhiabbee: as hug Yeesey tastey da’n chredjue oc, as doort e rishyn va ching jeh’n chingys‐cra, Vac, bee dy yien mie, ta dty pheccaghyn er nyn leih dhyt.

Noo Mian 9:2 ပူးပေါင်းရင်းမြစ်များ

Noo Mian 14:27

Agh chelleeragh loayr Yeesey roo, gra, Bee‐jee dy yien mie, she mish t’ayn, ny gow‐jee aggle.

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Noo Mian 6:12

As leih dooin nyn loghtyn, myr ta shin leih dauesyn ta jannoo loghtyn nyn ’oï.

Noo Mian 8:10

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

Noo Mian 8:16

Tra va’n fastyr er jeet, hug ad lhieu huggey ymmodee va drogh‐spyrrydyn ayndoo: as deiyr eh magh ny spyrrydyn lesh fockle, as laanee eh ooilley ny va ching.

Noo Mian 9:22

Agh hyndaa Yeesey mygeayrt, as tra honnick eh ee, dooyrt eh, Inneen, bee dy yien mie; ta dty chredjue er dty laanaghey. As va’n ven er ny lheihys veih yn oor shen magh.)

Noo Mian 9:5

Son cre sassey dy ghra, Ta dty pheccaghyn er ny leih dhyt? ny dy ghra, Irree seose as shooill?

Noo Mian 9:6

Agh dy vod fys y ve eu, dy vel pooar ec Mac y dooinney er y thalloo dy leih peccaghyn: (eisht dooyrt eh rish y varter) Irree trog lhiat dty lhiabbee, as immee royd gys dty hie.

Noo Mark 1:32

As ayns yn astyr mysh lhïe ny greïney, hug ad lhieu huggey dy chooilley unnane va doghanit, as adsyn va drogh‐spyrrydyn ayndoo.

Noo Mark 10:49

As hass Yeesey as doardee eh eh dy ve eït: as deïe ad er y dooinney doal, gra rish, Bee dy yien mie, irree; t’eh geamagh ort.

Noo Mark 5:34

As dooyrt eh r’ee, Inneen, ta dty chredjue er dty laanaghey; immee ayns shee, as bee slane jeh dty ghoghan).

Noo Mark 6:50

(Son honnick ad ooilley eh, as v’ad seaghnit.) As chelleeragh loayr eh roo, as dooyrt eh roo, Bee‐jee dy yien mie, she mish t’ayn, ny gow‐jee aggle.

Noo Ean 16:33

Ny reddyn shoh ta mee er loayrt riu, aynym’s dy vod shee y ve eu. Ayns y theihll vees seaghyn eu: agh bee‐jee dy yien mie, ta mish er gheddyn barriaght er y theihll.

Noo Ean 2:25

As nagh row feme echey er unnane erbee dy ymmyrkey feanish jeh dooinney: son va fys echey cre va ayns dooinney.

Noo Ean 21:5

Eisht dooyrt Yeesey roo, Chloan, vel shiu er dayrtyn veg y veaghey? Dooyrt adsyn rish, Cha vel.

Jannoo 14:9

Cheayll eh shoh Paul loayrt; as yeeagh Paul dy gyere er, as cur‐my‐ner dy row credjue echey dy ve er ny lheihys,

Jannoo 19:12

Myr shen dy dug ad lhieu veih’n chorp echey gys sleih chingey, bussallyn as apronyn, as hooar ad rea rish ny doghanyn oc, as hie ny drogh‐spyrrydyn magh assdoo.

Jannoo 23:11

As yn oie er‐giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Romanee 5:11

As cha nee ynrycan shen, agh ta shin goaill boggey ayns Jee, trooid nyn Jiarn Yeesey Creest, liorishyn ta shin nish er n’gheddyn y choardail.

Jamys 2:18

Agh foddee fer gra, Ta credjue ayd’s, as ta obbraghyn aym’s: jeeagh dooys yn credjue ayd’s fegooish dty obbraghyn, as jeeagh‐yms dhyts yn credjue aym’s liorish my obbraghyn.